Էշթոնն այցելել է Սպահանի հայկական Մայր տաճար12 մարտի 2014 - 15:49 AMT PanARMENIAN.Net - Եվրամիության արտաքին քաղաքականության և անվտանգության հարցերով գերագույն ներկայացուցիչ Քեթրին Էշթոնը Իրան կատարած այցի ժամանակ եղել է Նոր Ջուլֆայի հայկական Մայր տաճարում: Էշթոնը 350-ամյա սբ Ամենափրկիչ վանք է այցելել պատարագի ժամին` Իրանի պաշտոնական այրերի և հայկական համայնքի ղեկավարների ուղեկցությամբ: Սպահանի հայոց պատրիարքարանի ղեկավար եպիսկոպոս Բաբկեն Չարյանը կոչ է արել ԵՄ-ին ճանաչել Հայոց ցեղասպանությունը` մատնանշելով Մարդու իրավունքների Եվրադատարանի` ցեղասպանության ժխտումն արդարացնող որոշումը: Պատրիարքարանի ղեկավարը ծանոթացրել է Քեթրին Էշթոնին հայկական համայնքի կյանքին` ընդգծելով, որ Իրանը հանդուրժողականության ու տարբեր կրոնների համակեցության օրինակ է, իսկ հայերը Իրանում հաստատվել են երկրի` իսլամ ընդունելուց դեռևս 400 տարի առաջ: «Իսլամ դավանող մեր քույրերն ու եղբայրները մեզ սիրով ու հարգանքով են վերաբերվում, և մենք բարձր ենք գնահատում Իրանի իշխանությունների ջանքերը հայկական եկեղեցիների ու մշակությաի արժեքների պահպանման գործում»,- ընդգծել է եպիսկոպոսը` հիշեցնելով, թե ինչպես հարևան Ադրբեջանը մի քանի տարի առաջ ավերեց Հին Ջուլֆայի հնագույն հայկական խաչքարերը: Նա հույս հայտնեց, որ Եվրախորհրդարանը կդատապարտի վանդալիզմը, որպեսզի կանխարգելի նման մշակութային ցեղասպանության կրկնությունը հետագայում: Իր հերթին Էշթոնը վստահեցրեց, որ մարդու իրավունքների պաշտպանության կողմնակից է և կիսում է հոգևորականի մտահոգությունը, գրում է Asbarez-ը: Ավելի ուշ հյուրերն այցելեցին վանքի թանգարանը, որտեղ ԵՄ ներկայացուցչին ցույց տվեցին հնագույն եկեղեցական արտեֆակտեր, այդ թվում` նկարազարդված ձեռագրեր ու ոչ միայն Իրանի, այլև ամբողջ Մերձավոր Արևելքի ամենահին տպագրական մեքենան: Բարոնուհի Էշթոնին նաև ծանոթացրել են Հայոց ցեղասպանության պատմությանն ու Իրանի հայկական համայնքի կյանքին: Քեթրին Էշթոնը գրառում է թողել թանգարանի պատվավոր այցելուների գրքում: Իրանի հայկական համայնքը աշխարհում հնագույններից մեկն է: Իրանում գործում են 3 գլխավոր հայկական համայնքներ, որոնք գտնվում են Թեհրանում, Իրանական Ադրբեջանում ու Նոր Ջուլֆայում(Սպահան): Նրանց միջև կապն ուղիղ է և անընդհատ: Իրանի հայերը երկրի ամենամեծաքանակ կրոնական փոքրամասնությունն են: Տարբեր գնահատականների համաձայն նրանց թիվը տատանվում է 100-150 000-ի սահմաններում: Photo: Asbarez Հղումներ թեմայով. Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ ՌԴ մասնագետները երկաթուղու ջրալցված հատվածների մանրազնին հետազոտություն են իրականացնում Ներկայում իրականցվում է էլեկտրաենթակայանների չորացում, վերականգնվում է վնասված կայանների էլեկտրամատակարարումը |