 ԵԱՀԿ Գլխավոր քարտուղարը հայտարարել է «նոր ջանքերի» մասին ի նպաստ ղարաբաղյան կարգավորման 17 մայիսի 2014 - 12:59 AMT PanARMENIAN.Net - ԵԱՀԿ գլխավոր քարտուղար Լամբերտո Զանիերը հուսով է, որ «նոր ջանքերը» կօգնեն առաջ մղել ղարաբաղյան կարգավորման շուրջ խաղաղ բանակցությունները: Turan գործակալության վաշինգտոնյան թղթակցին տված հարցազրույցում Զանիերն ասել է, որ միջազգային հանրության ամբողջ ուշադրությունը կենտրոնացած է Ուկրաինայի դեմ ռուսական ագրեսիայի վրա և Կովկասի վրա ապակայունացումը տարածելու ջանքերի վրա: «Թեև իրավիճակը Կովկասում ընդհանուր առմամբ հանգիստ է, սակայն ինքնորոշման մասին խոսակցությունները մտահոգում են…Իրավիճակը կարող է հետընթաց ապրել ու խնդիրներ ստեղծել ապագայում»,-ասել է Զանիերը: Այժմ Մինսկի խմբի համանախագահները աշխատում են բարձր մակարդակով նոր հանդիպումների նախապատրաստման վրա: «Միջնորդները կաշխատեն Հայաստանի ու Ադրբեջանի նոր հանդիպումների կազմակերպման վրա: Կարծես, հիմա հնարավորություն կա իրական բանակցություններ սկսել Հարավային Կովկասում կարգավորման վերաբերյալ»,-ասել է Զանիերը, հայտնում է Contact.az-ը: Օրերս Լամբերտո Զանիերը վերընտրվեց ԵԱՀԿ գլխավոր քարտուղարի պաշտոնում: Կազմակերպության անդամ 57 երկրների ներկայացուցիչները որոշում են կայացրել ԵԱՀԿ գործող նախագահ Լամբերտո Զանիերին երկրորդ եռամյա ժամկետով պաշտոնում վերանշանակելու մասին: 59-ամյա Զանիերը, որը ներկայացնում է Իտալիան, ընտրվել է ԵԱՀԿ գործող նախագահի պաշտոնում 2011 թվականին: Մինչ այդ նա գլխավորում էր ԵԱՀԿ հակամարտությունների կանխման կենտրոնը և եղել է ՄԱԿ հատուկ ներկայացուցիչը Կոսովոյում: Հղումներ թեմայով.    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
