  «Մեծ ամոթ». Թուրքական պատմության դասագրքերը հայերի նկատմամբ ատելություն են սերմանում 27 սեպտեմբերի 2014 - 09:54 AMT PanARMENIAN.Net - Թուրքական դպրոցների պատմության դասագրքերում արդեն որերորդ անգամ տեղ են գտնել կրոնական և ազգային փոքրամասնությունների, մասնավորապես, հայերի նկատմամբ ատելություն և թշնամանք պարունակող արտահայտություններ: Հեղափոխության պատմության դասագրքերը աշակերտներին սովորեցնում են Օսմանյան կայսրության անկումից հետո Թուրքիայի առաջին կառավարության կողմից իրականացվող հակահայ բարեփոխումները, գրում է թուրքական Today's Zaman-ը: , որ մի խումբ թուրք մտավորականներ, գրողներ, ակադեմիկոսներ և արվեստագետներ դասագրքերը քննադատող հայտարարություն են տարածել: Հայտարարության տակ ստորագրած 5 տասնյակից ավելի մտավորականները, որոնց շարքում են Օրհան Փամուկը, Թաներ Աքչամը, Ֆաթիհ Աքինը, Ահմեթ Հաքանը, Ալի Նեսինը, Ալի Բայամօղլուն, Բասքըն Օրանը, Հասան Ջեմալը, Մուրաթ Բելգեն, նմանատիպ արտահայտություններ պարունակող գրքերով ուսուցումը «մեծ ամոթ» են որակել, հաղորդում է Ermenihaber-ը` T24-ին հղումով: Նրանք պատմության դասագրքերը ուսումնական ծրագրից հանելու և հայ աշակերտներից ներողություն խնդրելու կոչ են արել: «Այս կոչը մեզ հիշեցնում է, թե որքան մեծ կարևորություն ունի այնպիսի դասագրքերի պատրաստումը, որոնք էթնիկ, կրոնական խմբերի միջև ոչ թե ատելության, այլ խաղաղության, եղբայրության և համակեցության զգացումներ կխրախուսեն և կներկայացնեն ոչ թե սուտը, այլ ճշմարտությունը»,- խոսելով մտավորականների հայտարարության մասին` ասել է պատմաբան Թաներ Աքչամը: 2009-ին Թուրքիայի կրթության նախարարությունը հրատարակել էր ևս մեկ դասագիրք, որը դպրոցականներին սովորեցնում է հետապնդել քրիստոնյաներին: 13-ամյա դեռահասներին սովորեցնում են «դիմակայել քրիստոնեական առաքյալներին, որոնք վտանգ են ներկայացնում երկրի ազգային միասնության ու մշակույթի համար»: Դասագրքի հեղինակը պնդում է, որ առաքյալները «փորձում են իշխանության հասնել», և խորհուրդներ է տալիս, թե ինչպես «ճանաչել նրանց ռազմավարությունը»: Թուրքիայի Քրիստոնեական Եկեղեցիների Միությունն իր բողոքն էր արտահայտել դասագրքի դեմ: Նա ընդգծել էր, որ դասագիրքը երեխաների մեջ սերմանում է հին աշխարհայացքներ` «Թուրքիայի դեմ քրիստոնեական դավի» մասին: «Նման պնդումները երիտասարդներին հրահրում են մեր համայնքների վրա հարձակվելու` թույլ տալով մտածել, որ այդպես նրանք պայքարում են ԿՏՎ գործակալների դեմ»,- ասվում էր փաստաթղթում: Photo: Today's Zaman    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
