  IRFS-ը խստորեն դատապարտում է հետաքննող լրագրողների հետապնդումն Ադրբեջանում 15 հոկտեմբերի 2014 - 13:52 AMT PanARMENIAN.Net - Լրագրողների ազատության և անվտանգության ինստիտուտը (IRFS) խստորեն դատապարտում է Ադրբեջանի իշխանությունների կողմից հետաքննող լրագրող Խադիջա Իսմայիլովայի նկատմամբ արշավը և կոչ է անում իշխանություններին՝ անմիջապես վերջ տալ ոտնձգություններին։ Ինչպես նշվում է, Խադիջա Իսմայիլովայի նկատմամբ զրպարտության մեղադրանքով քրեական հայցը, Հայաստանի հետ համագործակցելու համար նրան պետական դավաճանության մեջ մեղադրելը և վերջերս Բաքվի օդանավակայանում նրան պահելը հստակ ցույց են տալիս, որ նրա ձերբակալությունն անխուսափելի է։ Դատախազությունը նրա նկատմամբ ճամփորդական արգելք է սահմանել, որի պատճառով հոկտեմբերի 12-ին Իսմայիլովան չի կարողացել մեկնել Պրահա և մասնակցել միջազգային ֆորումի։ Լրագրողին, սակայն, չեն ներկայացրել ճամփորդական արգելքի մասին դատարանի որոշումը։ Առանց օրինական հիմքերի ճամփորդական արգելքը կոպտորեն խախտում է Իսմայիլովայի տեղաշարժման ազատությունը, որն ամրագրված է Ադրբեջանի կողմից վավերացված Մարդու իրավունքների եվրոպական կոնվենցիայում։ IRFS-ը նշում է, որ Խադիջա Իսմայիլովայի նկատմամբ հետապնդումները կապված են նրա գործունեության հետ, ով հետաքննել է Ադրբեջանի նախագահի ընտանիքի հետ կապված աղմկահարույց կոռուպցիոն դեպքերը, միջազգային հանրությանը տեղեկացրել Ադրբեջանում տիրող մարդու իրավունքների իրավիճակի մասին։ IRFS-ը միջազգային հանրությանը հիշեցնում է, որ վերջին 2 ամիսներին Ադրբեջանի իշխանությունների կողմից մարդու իրավունքների ոտնահարման առումով աննախադեպ են եղել։ Մարդու իրավունքների բնագավառում Ադրբեջանի կառավարության ռեպրեսիվ քաղաքականությունն ավելին քան ակնհայտ է։ Լրագրողների ազատության և անվտանգության ինստիտուտը կոչ է անում նախագահ Իլհամ Ալիևին կոչ է անում գործուն քայլեր ձեռնարկել խոսքի ազատության ապահովման համար՝ նրան հիշեցնելով իր սահմանադրական պատասխանատվության մասին՝ որպես մարդու իրավունքների երաշխավոր: Կազմակերպությունը միջազգային կառույցներին՝ հատկապես Եվրոպայի խորհրդին և ԵԱՀԿ-ին, կոչ է անում ճնշում գործադրել Ադրբեջանի կառավարության նկատմամբ՝ խոսքի ազատության ապահովման համար իր ստանձնած պարտավորությունների կատարման համար և մասնավորապես պահանջել ապաքրեականացնել զրպարտության մասին օրենքը։ Եվրոպայի խորհրդի խորհրդարանական վեհաժողովի ամառային նստաշրջանում ընդունվել է Ադրբեջանում կոռուպցիայի մասին գրող հետաքննող լրագրողների նկատմամբ ճնշումների մասին բանաձևի նախագիծ, որը հուլիսի 3-ին հրապարակվել է ԵԽԽՎ կայքում։ Այն ԵԽԽՎ-ում նախաձեռնել է ՀՀ պատվիրակությունը՝ ի դեմս Արփինե Հովհաննիսյանի։ Բանաձևի նախագծով Խորհրդարանական վեհաժողովը մտահոգություն է հայտնում Ադրբեջանում կոռուպցիոն բացահայտումներ կատարող հետաքննող լրագրողների նկատմամբ կիրառվող ճնշումների ամենաբարձր մակարդակի կապակցությամբ։ Ադրբեջանի իշխանությունների կողմից իրենց ուղղված քննադատությունները լռեցնելու ամենավառ օրինակն Ադրբեջանի հետաքննող լրագրող Խադիջա Իսմայլովան է։  Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
