  Արամ Առաջին. Բոլոր երկրները պետք է ընդունեն Իրանի դերն ահաբեկչության դեմ պայքարում 27 հոկտեմբերի 2014 - 16:38 AMT PanARMENIAN.Net - Իրանի խորհրդարանի խոսնակ Ալի Լարիջանին հանդիպել է Մեծի Տանն Կիլիկիո կաթողիկոս Արամ Առաջինի հետ: Ինչպես հայտնում է Mehr գործակալությունը, Լարիջանին հանդիպման ժամանակ կարևորել է հայ համայնքի դերն Իրանում հեղափոխությունից հետո, և, մասնավորապես, Իրաքի հետ պատերազմի ժամանակ: «Իրանը միշտ մեծ հարգանքով է վերաբերվել հայ համայնքին, իսկ հարաբերություններն Իրանի մահմեդականների և հայ քրիստոնյաների միջև միշտ դրական զարգացում են ունեցել»,-ասել է նա: Կողմերը քննարկել են իրավիճակն Մերձավոր Արևելքում, Լարիջանին նշել է, որ ահաբեկչական խմբերի հզորացումը, որը հնարավոր դարձավ նաև արտաքին ուժերի աջակցությամբ, տարածաշրջանի ամենամեծ խնդիրն է: «Այդ ահաբեկչական խմբերը սպառնում են բոլոր կրոնների հետնորդներին, և հանդուրժող չեն լինի ոչ մեկի հանդեպ»,-ասել է նա: Արամ Առաջինն իր հերթին երախտագիտություն է հայտնել Ալի Լարիջանիին երկրի հայ համայնքին աջակցելու համար: «Հայերն Իրանում օգտվում են ազատություններից, և ամուր կապեր ունեն երկրի իսլամական մեծամասնության հետ»,-ասել է նա: Ըստ կաթողիկոսի, ահաբեկչությունը «գլոբալ աղետ է և գլխավոր սպառնալիքն է բոլոր ազգերին»: «Ահաբեկչական շարժումները չարաշահում են կրոնի գործոնն իրենց նպատակներից ելնելով»,-ասել է Արամ Առաջինը: Կաթողիկոսը նաև կարևորել է Իրանի արդյունավետ գործողություններն ահաբեկչության դեմ պայքարում Սիրիայում, Իրաքում ու Լիբանանում: «Բոլոր երկրները պետք է ճանաչեն Իրանի կարևոր ու կառուցողական դերը տարածաշրջանում ահաբեկչական խմբավորումների դեմ պայքարում»,-ասել է նա: Իրանը, ԻՊ դեմ ԱՄՆ գլխավորած կոալիցիայի մաս չհանդիսանալով, ակտիվ գործում է ահաբեկիչնեի դեմ, սատարելով քրդական կազմավորումներին, զենք մատակարարելով Ասադի զորքերին, հատուկ նշանակության ջոկատներ գործուղելով Իրաք: Իրաքում իրավիճակի սրացումից ու ԻՊ գրոհից հետո Թեհրանը Բաղդադին վերադարձրեց տասնյակ ռազմատրանսպորտային ինքնաթիռներ, որոնք Իրան էին տարհանվել 90-ականների սկզբին, երբ սկսվեց «Փոթորիկ անապատում» գործողությունը և իրաքյան զորքերը ջախջախվեցին: Իրանի հայ համայնքը հասնում է 140 հազարի: Հայերը հիմնականում ապրում են Թավրիզում, Սպահանում, Թեհրանում: Դա 80-միլիոնանոց երկրի ամենամեծ քրիստոնեական համայնքն է: Համայնքն իր ներկայացուցիչներն ունի Իրանի խորհրդարանում, գործում են բազմաթիվ մշակութային կենտրոններ, Թեհրանի նախաձեռնությամբ հայ ճարտարապետության մի շարք կոթողներ ընդգրկվել են ՅՈւՆԵՍԿՕ-ի համաշխարհային ժառանգության ցանկում: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
