ԼՂՀ-ում խոցված ուղղաթիռի անձնակազմի դիերը տարհանվել են, հակառակորդը զոհեր ունի22 նոյեմբերի 2014 - 10:52 AMT PanARMENIAN.Net - Հաշվի առնելով ադրբեջանական կողմի պաշտոնական հայտարարություններն ու բանականության իսպառ բացակայությունը, ԼՂՀ զինված ուժերը ստիպված դիմել են նոյեմբերի 12-ին հակառակորդի կողմից խոցված ուղղաթիռի անձնակազմի ճակատագիրն անկման վայրում պարզելու և դրանից բխող խնդիրները լուծելու հատուկ նշանակության գործողության: Մարտական խնդրի կատարման արդյունքում դեպքի վայրից տարհանվել են ուղղաթիռի անձնակազմից մեկի դին, երկու օդաչուի դիերի մնացորդները և ուղղաթիռի որոշ անհրաժեշտ մասեր: Հատուկ նշանակության գործողության ընթացքում հակառակորդը 2 զինվոր է կորցրել: Պաշտպանության բանակի կողմից կորուստներ չեն եղել, տեղեկացնում են ԼՂՀ ՊԲ-ից: Ավելի ուշ ԼՂՀ նախագահ Բակո Սահակյանի հրամանագրովանձնակազմի անդամներ մայոր Սերգեյ Սահակյանը, ավագ լեյտենանտ ՍարգիսՆազարյանն ու լեյտենանտ Ազատ Սահակյանը հետմահուպարգեւատրվել են «Արիության համար» մեդալով: Նոյեմբերի 12-ին, ղարաբաղա-ադրբեջանական շփման գծի արևելյան հատվածի օդային տարածքում ուսումնավարժական թռիչքի ժամանակ ադրբեջանական ԶՈւ-ն հրադադարի ռեժիմի խախտման արդյունքում խոցել էր ԼՂՀ ՌՕՈւ ՄԻ-24 ուղղաթիռը: Խոցման վայրը շփման գծին չափազանց մոտ էր: Դեպքից հետո հայկական կողմը հայտարարում էր, թե անձնակազմի 3 անդամից մեկը կարող էր ողջ լինել, բայց ադրբեջանական կողմը, գնդակոծելով ուղղաթիռի կործանման վայրը, թույլ չէր տալիս դա պարզելու համար մոտենալ դեպքի վայրին: Մինչև այդ Բաքվում ակնարկել էին, թե զոհված օդաչուների մարմինները կվերադարձնեն, եթե հարկ համարեն:Ավելի ուշ ադրբեջանական կողմը խոսում էր նաև խոցված ուղղաթիռի անձնակազմի անդամների դիերը ձերբակալված ադրբեջանցի դիվերսանտների հետ փոխանակելու մասին։ Նախօրեին՝ նոյեմբերի 21-ին,ԼՂՀ նախագահի մամուլի խոսնակ Դավիթ Բաբայանը բացառել էր ձերբակալված ու այժմ դատվող ադրբեջանցիների փոխանակումը խոցված ուղղաթիռի անձնակազմի դիերի հետ: Նոյեմբերի 20-ին ՀՀ պաշտպանության նախարար Սեյրան Օհանյանը հայտարարել էր, որ հայկական կողմի կատարած դիվանագիտական աշխատանքներն արդյունք են տվել՝ համանախագահները կոնկրետ հայտարարություններ էին արել՝ դիմելով Ադրբեջանին անձնակազմի անդամների դիերը վերադարձնելու համար: Նախարարը շեշտել էր, որ այդ հարցում Հայաստանը ջանում էր հարցը լուծել դիվանագիտական ճանապարհով։ Դեպքից հետո ԵԱՀԿ Մինսկի խումբը հայտարարել էր, որ ուղղաթիռն ընկել է չեզոք գոտում, ականապատ տարածքում, ինչպես նաև կոչ արել կողմերին դադարեցնել վայրի գնդակոծությունը և նպաստել տարածքի ականազերծմանը: Բայց Ադրբեջանը ոչ միայն չէր դադարեցնում կրակը, այլև թույլ չէր տվել ԵԱՀԿ ներկայացուցիչներին նաև զինադադարի ռեժիմի խախտման դիտարկում անցկացնել ուղղաթիռի խոցման վայրում: Իմիջիայլոց, դեպքի վայրն օրեր շարունակ կրակի տակ պահելը ոչ միայն լիովին հակասում է միջազգային մարդասիրական իրավունքով սահմանված նորմերին, մասնավորապես՝ Ժնևի կոնվենցիայի դրույթներին, այլև ոտնահարում տարրական բարոյականության ու խղճի սկզբունքները: Հղումներ թեմայով. Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները |