ԶԼՄ-ներ. ԵԽԽՎ առաջնորդները կողմ են, որ ՌԴ պատվիրակության լիազորությունները վերականգնվեն15 դեկտեմբերի 2014 - 12:28 AMT PanARMENIAN.Net - ԵԽԽՎ-ում ռուսական պատվիրակության ղեկավար, Պետդումայի միջազգային կոմիտեի նախագահ Ալեքսեյ Պուշկովը հայտարարել է, որ Վեհաժողովի 5 քաղաքական խմբից չորսի առաջնորդները կողմ են, որ Ռուսաստանի պատվիրակության հանդեպ գործող պատժամիջոցները վերացվեն, բայց կբավականացնեն արդյոք նրանց ձայները, դժվար է ասել: Ռուսաստանի գծով ԵԽԽՎ զեկուցող Անդրեաս Գրոսը հայտարարել է, որ կազմակերպության անդամների մեծ մասը հակված է վերականգնելու ՌԴ պատվիրակության լիազորությունները, հայտնում է ՌԻԱ Նովոստի գործակալությունը: Ապրիլին ԵԽԽՎ-ն զրկեց Ռուսաստանին ձայնի իրավունքից Ղրիմի միացման պատճառով՝ թույլ չտալով նրան մասնակցել կանոնադրական մարմինների աշխատանքին ու դիտորդական առաքելություններին: Ի պատասխան ռուսական պատվիրակությունը հեռացավ ԵԽԽՎ նիստի դահլիճից մինչ պատվիրակության բոլոր իրավունքների լիակատար վերականգնումը: Բոլոր պատվիրակությունների լիազորությունները թարմացվում են ամեն տարի, ուստի ձայնից զրկելու իրավունքը գործում է մինչև 2014-ի ավարտը: Ինչպես գրում է «Իզվեստիան», Ռուսաստանի գծով ԵԽԽՎ զեկուցող Անդրեաս Գրոսը Մոսկվա կայցելի դեկտեմբերի 17-18-ը: «Գրոսը ժամանում է Մոսկվա որպես ՌԴ գծով դիտորդական զեկույցի հեղինակ: Մենք որոշեցինք ընդունել նրան ԵԽԽՎ նախագահական կոմիտիե հետ գործակցության շրջանակում և հունվարյան նստաշրջանին մեկնելու շեմին, չնայած, չենք մասնակցում Վեհաժողովի աշխատանքներին որպես բողոքի նշան մեր պատվիրակության դեմ սահմանված պատժամիջոցներին»,-ասել է Պուշկովը: Ալեքսեյ Պուշկովը նշել է, որ կազմակերպության քաղաքական հինգ խմբերից պատժամիջոցների գործողությունը շարունակելուն կողմ են միայն Մեծ Բրիտանիայի ներկայացուցիչները որպես բրիտանական կառավարության շահերի արտահայտող: «Քաղաքական խմբերի ղեկավարներից ոմանց դիրքորոշումը փոխվել է: Իսպանացի Ագրամունտը (Ժողովրդական կուսակցության խմբակցության ղեկավար), որն ապրիլին կողմ էր քվեարկել պատժամիջոցներին, վերջերս Բեռլինում, որտեղ անցնում էր դիտորդական կոմիտեի նիստը, հրապարակավ հայտարարեց, որ փոխել է իր տեսակետը: Որքանով կարող եմ դատել, նման մոտեցումն արտացոլում է աճող թվով պատգամավորների կարծիքը: Բայց դժվար է ասել կկազմեն նրանք արդյոք մեծամասնություն: Թեև որոշ նշաններ վկայում են, որ որոշ քաղաքական գործիչների դիրքորոշումը փոխվում է»,- հավելել է Պուշկովը: ԵԽԽՎ հինգ քաղաքական խումբն են սոցիալիստները Գրոսի ղեկավարությամբ (198 տեղ), պահպանողական Եվրոպական ժողովրդական կուսակցությունը (186 տեղ), Եվրոպացի ժողովրդավարները (62), Հանուն Եվրոպայի ազատականների և ժողովրդավարների դաշինքը (80) և Եվրոպացի միացյալ ձախակողմյանները (36): Photo: AP Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | Երևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարություն Ալեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռները Մարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներ ԱԱԾ․ Ադրբեջանցի զինծառայողի կողմից ՀՀ սահմանը հնարավոր հատելու դեպքով տվյալներ չկան Այլ տեղեկությունների դեպքում կտրվի լրացուցիչ պարզաբանում |