«Շիրակ» օդանավակայանից մեկնողները կազատվեն «օդի հարկից»16 դեկտեմբերի 2014 - 18:39 AMT PanARMENIAN.Net - Ազգային ժողովը դեկտեմբերի 16-ի արտահերթում առաջին ընթերցմամբ ընդունել է «Պետական տուրքի մասին» օրենքում լրացում կատարելու մասին» օրենքի նախագիծը, որով Գյումրու «Շիրակ» օդանավակայանից մեկնող ուղևորները կազատվեն «օդի հարկից»։ Օրինագիծը ներկայացրել է Հայաստանի էկոնոմիկայի փոխնախարար Սերգեյ Ավետիսյանը՝ նշելով, որ որոշումն ընդունվել է` հաշվի առնելով «Շիրակ» օդանավակայանով ուղևորափոխադրումների զգալի կրճատումը, գրում է ԱՌԿԱ-ն։ Հայաստանի քաղավիացիայի գլխավոր վարչության տվյալներով` ՀՀ «Զվարթնոց» և «Շիրակ» միջազգային օդանավակայանները 2014-ի հունվար–նոյեմբերին սպասարկել են 1 մլն 931 հազար 554 ուղևորի, ինչը 2013-ի ցուցանիշից 332.376–ով ավելի է։ Այսպիսով, ուղևորահոսքի աճը երկրի օդային դարպասներով կազմել է 20,8%։ Ըստ նրա, օդանավակայանի հետ բանակցություններ են տարվում բյուջետային տարբեր ավիափոխադրողների, ինչպես նաև սպասարկման որոշ սակագների նվազեցման մասին, ինչը թույլ կտա ավելացնել օդանավակայանից չվերթների և ուղևորահոսքի թիվը։ Ավետիսյանը նշել է, որ այդ որոշումը ոչ միայն ուղևորափոխադրումների ավելացման, այլև տարածաշրջանում անուղղակի ծառայությունների զարգացման հավելյալ հնարավորություն է ստեղծում, ինչը կապահովի պետբյուջեից մուտքերի ավելի բարձր ցուցանիշներ «օդի հարկի» համեմատ։ «Արմենիա միջազգային օդանավակայաններ» ՓԲԸ–ն շահագործում է «Զվարթնոց» և «Շիրակ» օդանավակայանները 30 տարով կոնցեսիոն կառավարման պայմանագրին համապատասխան, որը հայկական կառավարության հետ ստորագրվել է 2001 թվականին: Սեփականատերն արգենտինական American International Airports ընկերությունն է, որը պատկանում է արգենտինահայ գործարար Էդուարդո Էռնեկյանին: «Շիրակ» օդանավակայանը գործում է 1961-ից: Օդանավակայանի ներկայիս շենքն ու վազքուղին շահագործման են հանձնվել 1982-ին: Վազքուղու վրա և թռիչքադաշտում խոշորածավալ կապիտալ շինաշխատանքներ չէին իրականացվել, ինչի արդյունքում թռիչքուղին հայտնվել էր ոչ բարվոք վիճակում: «Արմենիա» միջազգային օդանավակայաններ»-ի միջոցներով 2007-ին թռիչքուղին ամբողջությամբ հիմնանորոգվել և ասֆալտապատվել է: 2007-ին Քաղավիացիայի գլխավոր վարչությունը «Շիրակ» օդանավակայանին շնորհել է ԻԿԱՕ-ի Առաջին կարգախմբի օդանավակայանի կարգավիճակ: Photo: Zvartnots Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Խոսնակը հերքել է Բաքվում կայանալիք COP29–ին Փաշինյանի մասնակցության մասին լուրերը «Փաշինյանի աշխատանքային օրակարգում նման այց չի պլանավորվում»,–ասել է նա Փաշինյան․ ԱՕԿՍ-ի շենքում խանութ, սրճարան, ռեստորան բացելու սահմանափակում չկա Նա նշել է, որ միակ սահմանափակումը, որ դրվել է, այն է, որ շենքի մշակութային բովանդակությունը չվնասվի Շոյգու․ ՆԱՏՕ-ն ՀԱՊԿ երկրներ ներխուժում է մշակում Նա հավելել է, որ ՀԱՊԿ երկրների համար անմիջական սպառնալիք է ՆԱՏՕ-ի շարունակական ընդլայնումը Սև ծովից ցիկլոն է գալիս․ Ջերմաստիճանը կնվազի 6-9 աստիճանով Հնարավոր է նաև կարկուտ |