Ֆինանսների նախարարությունում ԵՏՄ հարցերով արագ արձագանքման խումբ է ստեղծվել23 դեկտեմբերի 2014 - 11:07 AMT PanARMENIAN.Net - Եվրասիական տնտեսական միությանը Հայաստանի անդամակցության հետ կապված արագ արձագանքման խումբ է ստեղծվել Հայաստանի ֆինանսների նախարարության հեռախոսային զանգերի սպասարկման կենտրոնում, հայտնել է գերատեսչության մամուլի ծառայությունը։ Խմբի աշխատանքն ուղղված է հասարակության և արտաքին տնտեսական գործունեությամբ զբաղվող սուբյեկտների իրազեկման բարձրացմանը՝ ԵՏՄ–ին Հայաստանի միացումից հետո օրենսդրական դաշտում և մաքսային ընթացակարգերում փոփոխությունների մասին։ «Թեժ գիծ» է գործում 060 544 444 հեռախոսահամարով: Նախատեսվում է, որ դեկտեմբերի 23-ին Մոսկվայում կայանալիք Եվրասիական բարձրագույն տնտեսական հանձնաժողովի նիստում կհայտարարվի, որ ԵՏՄ բոլոր անդամ երկրներն ավարտել են ԵՏՄ-ին Հայաստանի միանալու մասին պայմանագրի վավերացումը: Հայաստանը միության լիիրավ անդամ կդառնա 2015-ի հունվարի 2-ից: Ինչպես դեկտեմբերի 22-ին հայտարարեց ՌԴ նախագահի օգնական Յուրի Ուշակովը, «երեք երկրների նախագահները (ՌԴ, Բելառուս, Ղազախստան) վաղը դեկտեմբերի 23-ին կհայտարարեն, որ ԵՏՄ բոլոր անդամ երկրներն ավարտել են ԵՏՄ-ին Հայաստանի միանալու մասին պայմանագրի վավերացումը: Հայաստանը միության լիիրավ անդամ կդառնա պայմանագիրն ուժի մեջ մտնելու հաջորդ օրը՝ հունվարի 2-ին»: Նա նաև հայտարարեց, որ դեկտեմբերի 23-ին կարող են ստորագրվել ԵՏՄ-ին Ղրղզստանի անդամակցության մասին փաստաթղթերը: Այսպիսով 2015-ի հունվարի 1-ից հետխորհրդային տարածքում կսկսի գործել խոշորագույն ինտեգրացիոն միավորում, որի սպառողական շուկան ներառում է մոտ 170 մլն մարդ, նշել է նա: «Այս ժամերին լարված աշխատում են փորձագետներն ու կառավարությունները: Հուսով ենք, որ աշխատանքը կավարտվի Ղրղզստանի անդամակցության մասին պայմանավորվածությամբ»,-ասել է Ուշակովը, նշելով, որ այդ դեպքում Ղրղզստանի անդամակցության մասին պայմանագիրն ուժի մեջ կմտնի 2015-ի մայիսի 1-ին: Հայաստանը պայմանագիրը ստորագրել է 2014 թվականի հոկտեմբերի 10–ին։ ՀՀ Ազգային ժողովը դեկտեմբերի 4-ի նիստում վավերացրեց Հայաստանի՝ Եվրասիական տնտեսական միությանը միանալու մասին պայմանագիրը: Կողմ է քվեարկել 103 պատգամավոր, դեմ՝ 7, ևս 1-ը ձեռնպահ է մնացել: Խորհրդարանական խմբակցություններից դեմ էր միայն «Ժառանգությունը»: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Գեղասահորդուհի Սոֆյա Տիտովան կներկայացնի Հայաստանը․ Նա ՀՀ քաղաքացիություն է ստացել Նա մարզվում է Եվգենի Պլյուշչենկոյի ակադեմիայում Սերժ Սարգսյան. Բագրատ Սրբազանն ասել է` ինքն է թեկնածու, ուրեմն՝ իրեն ենք աջակցում Նա ասել է, որ նոր իշխանություններին կհաջողվի սահմանազատումը բերել օրինական դաշտ ՌԴ ՊՆ ղեկավար․ Հատկապես մտահոգիչ են Վաշինգտոնի և Բրյուսելի պլանները մեր հայ գործընկերների մասով Նա հավելել է, որ «Հայաստանին ու Ադրբեջանին հակասությունների կարգավորման համար պարտադրվում են միջնորդական ջանքեր» Սերժ Սարգսյանն արդարացվել է հանցակազմի բացակայության հիմքով Վերացվել է նրա խափանման միջոցը՝ երկրից բացակայելու արգելքը |