 Լոս Անջելեսի ավտոբուսներին Ցեղասպանության 100-ամյակին նվիրված արվեստի գործեր կփակցվեն 24 դեկտեմբերի 2014 - 15:25 AMT PanARMENIAN.Net - ԱՄՆ Լոս Անջելեսի քաղաքային խորհրդի անդամ Փոլ Կրեկորյանը գալիք ապրիլի 24-ին ընդառաջ հայտարարել է Հայոց ցեղասպանության հարյուրերորդ տարելիցը հիշատակող արվեստի գործերի մրցույթ: Հայտարարությունը բոլոր արտիստներին, լուսանկարիչներին ու գեղանկարիչներին հրավիրում է մասնակցելու մրցույթին, որի հաղթող գործը շուրջ մեկ ամիս տեղադրված է լինելու քաղաքային ավտոբուսների վրա: Դիմողները կարող են ներկայացնել նկարներ, պատկերներ, թվային արվեստ և լուսանկարներ, իսկ քանդակներն ու լայնաֆորմատ աշխատանքներն անընդունելի են: Աշխատանքների ներկայացման վերջնաժամկետը փետրվարի 15-ն է: Կրեկորյանը նշել է, որ մրցույթը կլինի յուրօրինակ միջոց հարգելու ցեղասպանության պատմությունը: Նա հույս է հայտնել, որ այդ նախագծին իրենց մասնակցությունը կցուցաբերեն բոլոր նրանք, ովքեր հետաքրքրված են մարդու իրավունքների հարցերով, և այդպիսով կօգնեն ի ցույց դնելու հայ ժողովրդի դիմացկունությունը: Առաջարկվում է նկարներում արտահայտել հետևյալ թեմաները՝ ներդաշնակություն, համերաշխություն, ապրումակցում և այլն: Սեպտեմբերին Կալիֆորնիայի նահանգապետ Ջերի Բրաունը ստորագրել է Ադրին Նազարյանի առաջարկած AB 1915 օրինագիծը, որով նախատեսվում է նահանգի դպրոցների ուսումնական ծրագրերում Հայոց ցեղասպանության, Հոլոքոսթի, Կամբոջայի, Դարֆուրի և Ռուանդայի ցեղասպանությունների մասին վկայությունների ներառում: Մասնավորապես, օրենքով նախատեսվում է 1915 թ. Հայոց ցեղասպանության մասին նյութերի ներառում նահանգի ուսումնական ծրագրերում, Հայոց ցեղասպանության մասին բանավոր վկայությունների կիրառման ընդլայնում: Համապատասխան օրենքն ուժի մեջ է մտնում ստորագրման պահից:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
