  Ուրուգվայը կոչ է անում միջազգայնորեն ճանաչել Լեռնային Ղարաբաղի Հանրապետությունը 6 հունվարի 2015 - 14:04 AMT PanARMENIAN.Net - Ուրուգվայի արտգործնախարարությունը հունվարի 4-ին կոչ է արել միջազգայնորեն ճանաչել Լեռնային Ղարաբաղի Հանրապետությունը և նրա ժողովրդի ինքնորոշման իրավունքը, գրում է Prensa Armenia-ն։ Արտգործնախարար Լուիս Ալմագրոն հանդիպել է Ուրուգվայի Հայ դատի հանձնախմբի ներկայացուցիչների հետ՝ քննարկելու իրավիճակը Հարավային Կովկասում։ Նա քննադատել է Ադրբեջանին հրադադարի ռեժիմը խախտելու համար և կարևորել ղարաբաղյան խնդրի հրատապ կարգավորումը՝ «հաշվի առնելով հայ ժողովրդի ինքնորոշման իրավունքը և Հայաստանի Հանրապետության տարածքային ամբողջականությունը՝ որպես անկախ պետություն՝ 1918-ի մայիս-1920-ի դեկտեմբեր ժամանակահատվածի սահմաններով»: Ուրուգվայի արտգործնախարարության պաշտոնական հայտարարությունում ասվում է, որ հաշվի են առնելու ԵԱՀԿ Մինսկի խմբի աշխատանքը և նրա եզրակացությունները ԼՂՀ ճանաչման վերջնական որոշումն ընդունելու համար։ Ուրուգվայի արտգործնախարարությունը Լեռնային Ղարաբաղի Հանրապետությունը ճանաչելու հնարավորության շուրջ քննարկումները սկսել է 2011-ից։ «Այդ ժամանակվանից ի վեր հանդիպումներ են տեղի ունեցել Ուրուգվայի կառավարության կանցլերի ու բարձրաստիճան պաշտոնյաների և Հայաստանի ու Ադրբեջանի արտգործնախարարների ու դեսպանների հետ»,- ասել է Հայ դատի հանձնախմբի ներկայացուցիչը, մեջբերում է Civilnet-ը։ ԼՂՀ նախագահ Բակո Սահակյանը 2011-ի դեկտեմբերին այցելել էր Ուրուգվայ, հանդիպումներ ունեցել այդ երկրի օրենսդիր մարմնում։ 2012-ի նոյեմբերին Ուրուգվայի խորհրդարանականների պատվիրակությունն էր այցելել Լեռնային Ղարաբաղ։ 2014-ի հուլիսին Հայաստանի նախագահ Սերժ Սարգսյանի Ուրուգվայ կատարած այցի ընթացքում այդ երկրի նախագահ Խոսե Մուջիկայի հետ ստորագրվել է համատեղ հայտարարություն ղարաբաղյան խնդրի վերաբերյալ։    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Նա սուտ է անվանել այդ տեղեկությունները Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը   Ամենաընթերցվողը բաժնում |  Վերջին լուրեր Սիմոնյան. Անընդունելի է, երբ եկեղեցականը, եկեղեցին զբաղվում են քաղաքականությամբ՝ քաղաքականությունն առևտուր է  «Անտարբեր նայելը և քաղաքական գործունեությամբ զբաղվելը տարբեր բաներ են»,–ասել է նաԱԺ նախագահ․ 2026-ի ընտրություններում Տավուշի այդ գյուղերում ՔՊ-ն հաղթելու է շռնդալից կերպով «Հայաստանն իր քաղաքացիներից որևէ մեկին չի նեղացնելու, անտեր ու անտուն չի թողնելու»,–ասել է նաՍիմոնյան․ Ալիևի հայտարարությունները ներքին լսարանի համար են «Այնուամենայնիվ հանդիպումների ժամանակ մենք այդ հարցերը բարձրացնում ենք»,–ասել է նաՍիմոնյան․ Բագրատ սրբազանն օրենքով իրավունք չունի դառնալ վարչապետ Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ |
