«Արևելյան գործընկերության» հայեցակարգը կարող է վերանայվել12 հունվարի 2015 - 15:19 AMT PanARMENIAN.Net - «Արևելյան գործընկերության» անդամ երկրների գագաթնաժողովը տեղի կունենա Ռիգայում ընթացիկ տարվա մայիսի 21-22, հայտնել է Վրաստանի վարչապետ Իրակլի Ղարիբաշվիլին: «Մենք ունենք Լատվիայի կառավարության ամբողջական աջակցությունը: Մենք պետք է կոնկրետ արդյունքների հասնենք մինչ գագաթնաժողովը: Չեմ ցանկանում նախնական սպասումներ ձևավորել հանրության շրջանում, սակայն մենք կանենք մեզանից կախված ամեն ինչ: Մնացածը կախված կլինի ընդհանուր իրավիճակից ու Վրաստանի ու ԵՄ հարաբերություններից»,-հայտարարել է Ղարիբաշվիլին լրագրողներին՝ ամփոփելով իր այցի արդյունքները Լատվիա, որտեղ նա եղել է հունվարի 9-10-ը, հայտնում է «Նովոստի-Գրուզիան»: Վրացական կողմը հուսով է, որ որոշում կկայացվի Եվրամիության հետ վիզաներից զերծ ռեժիմի մասին: Լատվիան ԵՄ նախագահող երկիրն է, իսկ Վրաստանը, Մոլդովան և Ուկրաինան ԵՄ հետ ասոցացման համաձայնագիր կնքեցին 2014-ի հունիսի 27-ին: Ավելի վաղ, 2014-ի հուլիսին Լատվիայի ԱԳ նախարար Էդգարս Ռինկևիչսը հայտարարեց «Արևելյան գործընկերության» անդամ երկրների հանդեպ մոտեցումների փոփոխման անհրաժեշտության մասին: Իր դիրքորոշումը պաշտոնյան հրապարակեց Կիևում՝ նշելով, որ ծրագրի հայեցակարգի փոփոխության մասին հարկ կլինի խոսել 2015-ի ամռանը ԵՄ երկրների ղեկավարների գագաթնաժողովում: Իսկ մինչ այդ, ասել է լատվիացի դիվանագետը, Եվրամիությունը պետք է ուժերը կենտրոնացնի այն երկրների հետ աշխատանքի վրա, որոնք արդեն ստորագրել են ԵՄ հետ ասոցացումը, քանի որ փաստաթղթերի վավերացումը ճանապարհի սկիզբն է միայն: Հետխորհրդային հանրապետությունների՝ ասոցացման մասին համաձայնագիրը չստորագրած Հայաստանի, Բելառուսի, Ադրբեջանի, հետ գործակցության մոտեցումների վերանայման հարցում, որոշիչ դարձան իրադարձություններն Ուկրաինայում: Ասվել է նաև, որ այսուհետ «Արևելյան գործընկերության» մասնակից երկրներին կառաջարկվեն ստորագրման համար ոչ թե նախկինի պես համապարփակ փաստաթղթեր, այլ նվազ պարտավորեցնող պայմանագրեր: Առաջին երկիրը, որին գործակցություն առաջարկվեց նորացված սխեմայով, Հայաստանն էր: Փաստորեն, փոփոխությունն այն է, որ Երևանը կարող է ստորագրել ասոցացման մասին համաձայնագրի մի մասը: 2013-ի սեպտեմբերի 3-ին Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում ԵվրաԱզԷՍ-ի ձևավորմանը մասնակցելու իր ցանկության մասին: Հայաստանի այս որոշումը քննադատության ենթարկվեց եվրոպական կառույցների ու փորձագիտական շրջանակների կողմից, որոնք հայտարարեցին, որ Հայաստանը գործնականում խզեց բանակցությունները Եվրոպայի հետ, ինչն անհնար է դարձնում ԵՄ հետ Ասոցացման համաձայնագրի նախաստորագրումը նոյեմբերին Վիլնյուսում՝ ԵՄ և Արևելյան գործընկերության ղեկավարների գագաթաժողովում: 2015-ի հունվարի 2-ին Հայաստանը պաշտոնապես դարձավ ԵՏՄ անդամ: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |