 ԱՄՆ-ում Ֆրանսիայի դեսպանը պարզաբանել է Ցեղասպանության մասին իր հայտարարությունը 17 հունվարի 2015 - 15:00 AMT PanARMENIAN.Net - ԱՄՆ-ում Ֆրանսիայի դեսպան Ժերար Արոն պարզաբանել է իր հայտարարությունը Հայոց ցեղասպանության մասին: Ինչպես հայտնում է Asbarez.com-ը, ԱՄՆ և Ֆրանսիայի հայ համայնքների դժգոհությունն առաջացրած հեռուստաեթերից հետո, դեսպանը պարզաբանումով նամակ է ուղարկել Ամերիկայի Հայ դատի հանձնախմբին (ANCA): Հունվարի 12-ին NBC News-ի եթերում հաղորդավարը, անդրադառնալով Charlie Hebdo-ի վրա հարձակմանն ու խոսքի ազատությանը Ֆրանսիայում, նշել է, որ այդ երկրում գործում են Հոլոքոսթի և Հայոց ցեղասպանության ժխտումն արգելող օրենքներ: Ի պատասխան դեսպանը հայտարարեց, որ «իրականում Հայոց ցեղասպանության ժխտումը քրեականացնող օրենք չկա: Կա միայն օրենք Հոլոքոսթի ժխտման մասին, քանի որ դա կարծիք չէ, Հոլոքոսթը եղել է: Այնպես որ, երբ դուք ասում եք, որ Հոլոքոսթ չի եղել, դուք կարծիք չեք հայտնում, քանի որ դա փաստ է»: Ավելի ուշ Nouvelles d’Armenie-ին հայտնեց, որ Ֆրանսիայի Հայ դատի գրասենյակը բողոքի նամակ է հղել Ֆրանսիայի ԱԳ նախարար Լորան Ֆաբիուսին ԱՄՆ-ում Ֆրանսիայի դեսպանի հայտարարության կապակցությամբ: Միևնույն ժամանակ ԱՄՆ Հայ դատի հանձնախումբը կոչ արեց բողոքի ակցիա կազմակերպել Վաշինգտոնում Ֆրանսիայի դեսպանատան առջև: Ամերիկայի Հայ դատի հանձնախմբին հասցեագրված նամակում դեսպանը նշում է, որ իր խոսքերը սխալ են մեկնաբանվել, և որ ինքը նպատակ չի ունեցել ժխտելու Հայոց ցեղասպանությունը: ժերար Արոն հիշեցրել է, որ Ֆրանսիան ճանաչել է Հայոց ցեղասպանությունը՝ հավելելով, որ ինքը ևս բազմիցս ասել է, որ Հայոց ցեղասպանությունը 20-րդ դարի առաջին ցեղասպանությունն է: Photo: AFP   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
