ԱՄՆ կոնգրեսականը Քերիին կոչ է արել խիզախություն ունենալ և ճանաչել Ցեղասպանությունը27 փետրվարի 2015 - 11:23 AMT PanARMENIAN.Net - ԱՄՆ Ներկայացուցիչների պալատի արտաքին հարցերի կոմիտեի անդամ Բրեդ Շերմանը կոչ է արել ԱՄՆ պետքարտուղար Ջոն Քերիին խիզախություն ունենալ և ճշմարտությունն ասել Ցեղասպանության մասին: Կոնգրեսականն այս հայտարարությունն արել է փետրվարի 25-ին արտաքին հարաբերությունների կոմիտեում լսումների ժամանակ Քերիի ելույթի ընթացքում: «Սենատորի պաշտոնում աշխատելու տարիներին դուք հետամուտ էիք լինում Հայոց ցեղասպանության ճանաչմանը: Այժմ մենք պատրաստվում ենք ոգեկոչել Ցեղասպանության 100-րդ տարելիցը, և հուսով եմ, որ դուք խիզախություն կունենաք, ինչով հայտնի եք, և ապրիլի 24-ին կօգտագործեք «ցեղասպանություն» բառեզրը՝ նկարագրելու համար 100 տարի առաջ Անատոլիայում կատարվածը», - ասել է Շերմանը: Այս և մյուս հարցեին Ջոն Քերին գրավոր կպատասխանի առաջիկա շաբաթներին, հայտնում է Armenia Today-ը: 2014-ին հայ համայնքին ուղղված իր ապրիլի 24-ի ամենամյա ուղերձում նախագահ Օբաման ինչպես նախորդ տարիներին խուսափեց «ցեղասպանություն» եզրույթից՝ սահմանափակվելով հայերեն՝ Մեծ եղեռն արտահայտությամբ: Ամերիկայի Հայ դատի հանձնախումբը քննադատեց նախագահ Բարաք Օբամային, ով ապրիլքսանչորսյան իր ամենամյա ուղերձում կրկին խուսափեց օգտագործել ցեղասպանություն բառը՝ փոխարենը գործածելով Մեծ եղեռն բառակապակցությունը: «Տխուր է տեսնել, որ մեր նախագահը, ով պաշտոնը ստանձնելիս խոստացել էր ճանաչել Հայոց ցեղասպանությունը, այժմ աջակցում է օտարերկրյա պետության լռության քաղաքականությանը և լռեցնում է մեր պետության խոսքը մի ցեղասպանության մասին, որն այդքան մանրամասն վավերագրված է մեր ազգային արխիվներում»,- ասված է հայտարարությունում։ «Փաստն այն է, որ հայ-թուրքական հարաբերությունների ցանկացած երկարատև բարելավում պահանջում է, որ Անկարան վերջ տա իր ժխտողականությանը, ընդունի իր բարոյական և նյութական պատասխանատվությունը և համաձայնի ողջ մարդկության դեմ ուղղված ու անպատիժ մնացած այս հանցագործության վերաբերյալ միջազգային բանաձևի ընդունմանը»,- ասել էր Արամ Համբարյանը։ Բարաք Օբաման, լինելով սենատոր և նախագահության թեկնածու, խոստացել էր ճանաչել Հայոց ցեղասպանությունը, հենց որ հաստատվի Սպիտակ տանը: Նախագահ ընտրվելուց հետո նա դրժեց իր խոստումը, որի համար քննադատության ենթարկվեց համայն հայության ու մասնավորապես ԱՄՆ հայ համայնքի կողմից: Իր նախագահության ընթացքում նա ամեն տարի ապրիլի 24-ին հանդես է գալիս ուղերձով և ամեն անգամ դիվանագիտորեն շրջանցում է ցեղասպանություն եզրույթը՝ սահմանափակվելով հայերեն Մեծ եղեռն արտահայտությամբ: Ավելին՝ 2013-ի մայիսին Օբամայի վարչակազմը դիմել էր գերագուն դատարան՝ խնդրելով չքննել 9-րդ շրջանի բողոքարկիչ դատարանի Կալիֆորնիայի օրենքում կատարված փոփոխությունները չեղյալ հայտարարելու մասին 2012-ի որոշումը, որով նախատեսվում էր երկարացնել հայցերի ներկայացման ժամկետը Ցեղասպանության տարիներին կյանքի ապահովագրության փոխհատուցումների վճարումների վերաբերյալ: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |