  Արաբական երկրներում Հայոց ցեղասպանության ճանաչման հարցում մեծ դեր կարող են ունենալ հայ համայնքները 9 մարտի 2015 - 13:31 AMT PanARMENIAN.Net - Արաբական երկրների հայ համայնքները կարող են նշանակալի դերակատարություն ունենալ իսլամական աշխարհում Հայոց ցեղասպանության ճանաչման հարցում: Այս մասին «Sputnik-Արմենիա» ռադիոկայանի եթերում ասել է արաբագետ Արմեն Պետրոսյանը, հայտնում է «Նովոստի Արմենիի» գործակալությունը։ Ըստ Պետրոսյանի, այսօր արաբական աշխարհի միակ պետությունը, որը ճանաչել է Հայոց ցեղասպանությունը, Լիբանանն է։ «Թուրքիայի քաղաքականությանը դիմակայելու համատեքստում, Անկարայի հետ ունեցած հակասություններից ելնելով, վերջին շրջանում Հայոց ցեղասպանության հարցն օգտագործվում է արաբական աշխարհում, հիմնականում Մերձավոր Արևելքում, Հյուսիսային Աֆրիկայում, մասնավորապես` Եգիպտոսում և Սիրիայում։ Սակայն մինչ օրս նրանց կողմից Հայոց ցեղասպանությունը ճանաչելու հնարավորությունը շատ մշուշոտ է»,– ասել է Պետրոսյանը։ Որոշակի արդյունքների հասնելու համար, ըստ Պետրոսյանի, կարևորվում է այդ երկրների հայկական համայնքների դերն ու նշանակությունը, որոնք կարող են որոշակի միջոցառումներ անցկացնելու միջոցով այդ հարցը բարձրացնել մինչև խորհրդարանական քննարկումների մակարդակ։ «Սակայն վերջնական արդյունքը, այնուամենայնիվ, կախված կլինի բազմաթիվ նրբություններից, այդ թվում նաև նրանց հարևան երկրների դիրքորոշումներից, Թուրքայի հետ հարաբերություններից և այլ հարցերից, ինչը զգալիորեն նվազեցնում է Հայոց ցեղասպանության ճանաչման հնարավորությունները»,– ասել է փորձագետը:։ 1997թ. ապրիլի 3-ին Լիբանանի Ազգային Ժողովն ընդունեց որոշում, որով ճանաչում է ապրիլի 24-ը` Հայոց Ցեղասպանության զոհերի հիշատակի օր: Որոշումը կոչ է անում Լիբանանի ժողովրդին այդ օրը լինել հայ ժողովրդի կողքին: 2000թ. մայիսի 12-ին Լիբանանի խորհրդարանը ընդունեց և դատապարտեց Ցեղասպանությունը:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
