Էրդողան. Եթե 90-ականների սկզբին Թուրքիան ուժեղ լիներ, ղարաբաղյան հակամարտություն չէր լինի17 մարտի 2015 - 11:47 AMT PanARMENIAN.Net - Եթե 90-ականների սկզբին Թուրքիան ուժեղ լիներ, ղարաբաղյան հակամարտություն չէր լինի, հայտարարել է Թուրքիայի նախագահ Ռեջեփ Թայիփ Էրդողանը: Մեկնաբանելով հարևան տարածաշրջաններում ստեղծված իրավիճակը՝ Էրդողանն հատուկ անդրադարձ է կատարել մի շարք արաբական երկրների, ինչպես նաև Հարավային Կովկասի հակամարտություններին, հայտնում է Ռոսբալտը թուրքական Anadolu-ի վրա հղումով: Ըստ նրա, եթե Թուրքիան այն տարիներին այսօրվա հզորությունն ունենար, կկարողանար կանխել ղարաբաղյան հակամարտությունը: Ավելի վաղ Էրդողանը կրկին նախապայմաններ առաջադրեց հայ-թուրքական սահմանը բացելու համար: Թուրքիան չի բացի սահմանը Հայաստանի հետ, քանի դեռ վերջինս չի «ազատագրել Ադրբեջանի գրավյալ տարածքները»,-հայտարարել է նա: 1993թ. Թուրքիան միակողմանի փակել է օդային եւ ցամաքային սահմանը Հայաստանի հետ: Միջազգային հանրության ճնշման ներքո օդային սահմանը վերաբացվել է 1995-ին, իսկ ցամաքային սահմանի վերաբացման եւ դիվանագիտական հարաբերություններ հաստատելու համար Թուրքիան առաջ էր քաշում մի շարք նախապայմաններ, որոնցից հիմնական են ԼՂ-ի վերահսկողության տակ գտնվող շրջաններն Ադրբեջանին վերադարձը ու Հայոց ցեղասպանության միջազգային ճանաչումից հրաժարումը: 1991-ից ի վեր հարաբերությունների կարգավորման բազմաթիվ փորձեր են եղել, որոնք անհաջողությամբ են պսակվել Թուրքիայի որդեգրած դիրքորոշման պատճառով: Խոսելով ղարաբաղյան կարգավորման մասին՝ Էրդողանն ասել էր, որ եթե Ռուսաստանն ու ԱՄՆ-ն ցանկանան, հարցը շատ արագ կլուծվի: Մինչդեռ Թուրքիայի ԱԳ նախարար Մևլութ Չավուշօղլուն հայտարարեց, որ ղարաբաղյան կարգավորումը «Թուրքիայի արտաքին քաղաքականության հիմնական գերակայություններից է»: «Ուստի մենք միշտ ուշադիր հետևում ենք ղարաբաղյան կարգավորման հետ կապված գործընթացներին, ակտիվ ենք այն ջանքերում, որ գործադրվում են ԵԱՀԿ ՄԽ շրջանակներում»,-ասել է Չավուշօղլուն: Ըստ նրա, Թուրքիան, որպես ՄԽ անդամ տարբեր հարթակներում և երրորդ երկրների հետ շփումներում միշտ բարձրացնում է ղարաբաղյան հակամարտության թեման, որն իր խնդիրն է համարում: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Արցախի ՄԻՊ. Արցախցի քաղաքապետերի դեմ քրվարույթները քաղենթատեքստ ունեն Նա պատահական չի համարում, որ այդ անհիմն վարույթները մեկնարկեցին Բագրատ սրբազանի հետ նրանց հանդիպումից հետո «Լեռնային Ղարաբաղ. վտանգված հայկական ժառանգություն» խորագրով ցուցահանդես՝ Կանադայի խորհրդարանում Ցուցադրվել են կանադահայ լուսանկարիչ Հրայր «Բազե» Խաչերյանի աշխատանքները Փաշինյանը Բաղանիսում և Ոսկեպարում հանդիպումներից հետո հասել է Կիրանց Կիրանցում լարված իրավիճակ է, գյուղում է նաև ոստիկանապետը ԱԺ պատվիրակությունը մասնակցում է ՆԱՏՕ-ի խորհրդարանական վեհաժողովի աշխատանքներին Պատվիրակությունը գլխավորում է Անդրանիկ Քոչարյանը |