 2014-ին ՌԴ-ն առաջին անգամ պետծրագրով մոտ 100.000 վերաբնակի է ընդունել, այդ թվում ՀՀ-ից 17 մարտի 2015 - 14:08 AMT PanARMENIAN.Net - Հայրենակիցների վերաբնակեցման պետական ծրագրի շրջանակում 2007-ից ի վեր արտերկրից Ռուսաստան է տեղափոխվել գրեթե 300 հազար մարդ, հայտնել է ՌԴ ԴՄԾ ղեկավար Կոնստանտին Ռոմոդանովսկին: «Այսօրվա դրությամբ ծրագրով Ռուսաստան է տեղափոխվել 282,5 հազար մարդ: Նշեմ, որ դինամիկան կայուն դրական բնույթ է կրում»,-ասել է ՌոմոդանովսկինՄոսկվայում արտերկրից ՌԴ հայրենակիցների կամավոր վերաբնակեցմանն աջակցող պետական ծրագրի իրագործման միջգերատեսչական հանձնաժողովի նիստում: Ծրագիրը մեկնարկել է 2007-ին: «Եթե ծրագրի իրագործման առաջին տարիներին մենք տարեկան մոտ 9 հազար մարդ էինք ընդունում, ապա 2014-ին մեզ առաջին անգամ հաջողվեց հաղթահարել 100 հազարի շեմը՝ վերաբնակեցնելով մոտ 106 հազար հոգու»,-ասել է ԴՄԾ ղեկավարը: «Վերաբնակների 95 տոկոսը ԱՊՀ անդամ երկրների քաղաքացիներ են: 2014-ին աղբյուր երկրներն են եղել Ուկրաինան (39,2 %), Ղազախստանը (21,2 %), Ուզբեկստանը (13,9 %), Մոլդովան (8,5 %) և Հայաստանը (6,4 %)»,-ասել է Ռոմոդանովսկին, հայտնում է Ինտերֆաքսը: Ըստ Ռոմոդանովսկու, ինչպես նախկինում, 2014-ին առավել գրավիչ էր նորեկների համար Կենտրոնական դաշնային շրջանը, որն ընդունել է վերաբնակների 39 տոկոսին: Երկրորդ տեղում ավանդաբար Սիբիրի դաշնային շրջանն է, որն ընդունել է վերաբնակների 21 տոկոսին: Երրորդ տեղում Հյուսիս-Արևմտյան դաշնային շրջանն է, ուր տեղափոխվել է վերաբնակների գրեթե 11 տոկոսը: «Պետծրագրի մասնակիցները բավականին բարձր կրթական մակարդակ ունեն՝ մոտ 41 տոկոսն ունի բարձրագույն կամ թերի բարձրագույն կրթություն: Միջին մասնագիտական կրթությամբ անձինք կազմում են մոտ 40 տոկոսը»,-ասել է ԴՄԾ ղեկավարը: Նա նաև նշել է, որ վերաբնակների մեծ մասը տարիքային առումով մոտ է բնակչության տնտեսական ակտիվ շերտերին՝ նրանց բաժինը հասնում է 72 տոկոսի: Վերաբնակների 23 տոկոսն անչափահասներն են, ևս 5 տոկոսը՝ թոշակառուները»,-հայտնում է ՌԻԱ Նովոստի գործակալությունը:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
