 Հայաստանը կարող է Յակ-130 ինքնաթիռներ ստանալ. ՌԴ հետ բանակցություններ են ընթանում 20 մարտի 2015 - 17:08 AMT PanARMENIAN.Net - Բելառուսը ապրիլին ռուսական արտադրության Յակ-130 4 ինքնաթիռ կստանա, հայտարարել է ինքնաթիռներն արտադրող «Իրկուտ» ավիաշինական ընկերության տնօրեն Օլեգ Դեմչենկոն Մալազիայում՝ LIMA-2015 ցուցահանդեսի ժամանակ: «Մենք Բելառուս ենք առաքելու Յակ-130 4 ինքնաթիռ, դա կլինի ապրիլին»,-ասել է Դեմչենկոն: Մինսկը ինքնաթիռները պետք է ստանար ավելի վաղ՝ մարտի վերջերին: Ինքնաթիռների գնման վերաբերյալ պայմանագիրը ստորագրվել է դեռևս 2012-ին: Բելառուսը ԱՊՀ-ը երկրներից առաջինն է, որ գնում է Յակ-130 ինքնաթիռներ: Դեմչենկոն նաև հայտարարել է, որ ապրիլին Սու-30ՍՄ 4 կործանիչ ուղարկվելու է Ղազախստան: «Այսպիսով, ապրիլին արտահանվելու է 8 ինքնաթիռ՝ չորսը Ղազախստան, չորսը՝ Բելառուս»,-ասել է Դեմչենկոն, հայտնում է Բելտա գործակալությունը: Խոսելով ԱՊՀ մյուս երկրներին ինքնաթիռներ վաճառելու մասին՝ վերջինս հավելել է. «Բանակցում ենք նաև Հայաստանի և Ուզբեկստանի հետ»: Երկտեղանի ռեակտիվ ուսումնառազմական ինքնաթիռը՝ նոր սերնդի Յակ-130-ը, նախագծվել և արտադրվել է «Իրկուտ» ընկերությունում: Նախատեսված է թռչող անձնակազմի ուսուցման և նախապատրաստման համար, ինչպես նաև ռազմական կիրառության` միաժամանակ եղանակային պարզ և բարդ պայմաններում օդային և ցամաքային թիրախներ խոցելու նպատակով: Իր թռիչքատեխնիկական և մանյովրային բնութագրով ինքնաթիռը մոտ է ժամանակակից ոչ գերձայնային արագության կործանիչների ցուցանիշներին և թույլ է տալիս պատրաստել 4+ և 5-րդ սերնդի ինքնաթիռների անձնակազմեր: Բացի այդ հարավորություն ունի վայրէջք կատարել չնախատեսված տեղանքում: Ինքնաթիռը համալրված է երկու ԱԻ-222-25 շարժիչով: Թռիչքի առավելագույն արագությունը 1.060 կմ/ժ է:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
