Բեյրութի հայկական թաղամասը չի ռմբակոծվել Իսրայելի կողմից 3 օգոստոսի 2006 - 15:21 AMT PanARMENIAN.Net - Լիբանանի բանակը կկարողանա արժանի հարված հասցնել Իսրայելի զինված ուժերին: Այդ մասին PanARMENIAN.Net ի թղթակցին է հայտարարել «Ազատագրված տարածքների պաշտպանություն» հասարակական կազմակերպության ղեկավար, լիբանանահայ Ժիրայր Սեֆիլյանը: «Իմ համոզվածությունը հիմք ունի` Լիբանանի բանակի գործողությունները Իսրայելի դեմ լինելու են «Հեզբոլլահի» հետ համատեղ: Այդպես արդեն եղել է 1996 թվականին, երբ համատեղ ջանքերով դադարեցվեց կրակը, Իսրայելը ԱՄՆ-ի եւ Ֆրանսիայի միջնորդությամբ հեռացավ Լիբանանի հարավից: Իսկ 2000 թվականին նույնանման ռազմական գործողությունները հանգեցրին նրան, որ Իսրայելը պարտություն կրեց եւ ստիպված էր միայն մի փոքր զինվորական համակազմ պահել Շեբաայում: Այն, որ Իսրայելն այս անգամ եւս պարտություն կկրի, ես կասկած չունեմ: Լիբանանի բանակը «Հեզբոլլահի» հետ համատեղ եւ Լիբանանի ողջ ժողովրդի աջակցությամբ կպայքարի իր անկախության համար: Իսրայելին այլ բան չի մնա, քան հեռանալ Շեբբայից: Հակառակ դեպքում ողջ հյուսիսային Իսրայելը, ներառյալ Հայֆան, միշտ կլինի վտանգի սպառնալիքի տակ»,-ընդգծել է Սեֆիլյանը: Միեւնույն ժամանակ նա նշել է, որ Բեյրութի քրիստոնեական թաղամասը եւ նրա հարեւանությամբ գտնվող հայկական թաղամասը չեն ռմբակողծվել Իսրայելի կողմից: «Բեյրութի հայերի մեծամասնությունը բնակվում է Էշրեֆի թաղամասում, շատ հայեր կան նաեւ Բուրջ-Համուդում, որը համարվում է Բեյրութի հյուսիսային արվարձանը: Հայերը բնակվում են նաեւ Անթիլյասում, Զալկանում, Ջել-էլ-Դիբում եւ այլ արվարձաններում, որոնք կազմում են մեծ Բեյրութը: Լիբանանում կա նաեւ Անճար ավանը, որը գտնվում է Բեկաի դաշտավայրում, Լիբանանի եւ Սիրիայի սահմանին: Բազմաթիվ հայեր կան նաեւ Տրիպոլիում , Լիբանանի երկրորդ քաղաքում»,-ասել է Ժիրայր Սեֆիլյանը: Նշենք, որ ներկայումս Լիբանանում բնակվում է 100 հազար հայ: Լիբանանում է գտնվում նաեւ Մեծի Տանն Կիլիկիո կաթողիկոսի վեհարանը (Անթիլյաս): Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Ամենաընթերցվողը բաժնում | Գյուղապետ․ Կիրանցի այլընտրանքային ճանապարհի երկայնքով նաև պատ է կառուցվում «Պատ էլ են շարում, ճանապարհի երկու կողմով պատ են շարում»,- ասել է Շահինյանը Երթևեկության փոփոխություն՝ Գրիգոր Լուսավորչի–Արգիշտիի–Իտալիայի փողոցների խաչմերուկում Հետիոտնային անցումը կտեղափոխվի Ալ. Մյասնիկյանի արձանին հարող ճանապարհահատված ՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին «Շիրակ» օդանավակայանում ռումբի մասին կեղծ ահազանգի համար 36–ամյա տղամարդ է ձերբակալվել Օդանավակայանի բնականոն աշխատանքը վերականգնվել է |