Ադամ Շիֆ. Հայերին վերացնելու թուրքերի ջանքերը տապալվել են՝ նրանք շարունակում են հպարտ ապրել31 մարտի 2015 - 11:36 AMT PanARMENIAN.Net - ԱՄՆ-ի Կոնգրեսի Ներկայացուցիչների պալատի անդամ Ադամ Շիֆը, ով հայտնի է իր հայանպաստ գործունեությամբ, Հայոց ցեղասպանության 100-րդ տարելիցին ընդառաջ ծավալուն հոդված է հրապարակել: Կոնգրեսականն իր հոդվածը սկսել է որոշ պատմական փաստերի շարադրմամբ. «Օսմանյան կայսրությունում ԱՄՆ-ի դեսպան Հենրի Մորգենթաուն, ականատես լինելով Ցեղասպանությանը, վստահաբար ասել է, որ «մարդկության ողջ պատմության ընթացքում սրա պես դաժան պահ չի եղել: Անցյալի բոլոր սպանդերն ու հետապնդումներն աննշանակալի են թվում` 1915թ. հայերի կրած տառապանքների համեմատ»: Այնուհանդերձ, Շիֆը նկատել է, որ «հայ ժողովրդին վերացնելու թուրքերի բոլոր ջանքերը տապալվել են, քանի որ հայ ազգը շարունակում է հպարտ ապրել», asbarez.com-ին հղումով գրում է Tert.am-ը: Միևնույն ժամանակ, կոնգրեսականը վերհիշել է օրհասական այդ պահին միլիոնավոր հայերի օգնած անձանց ու կազմակերպութունների, մասնավորապես՝ Մերձավոր Արևելքում ամերիկյան օգնության կոմիտեին (Near East Relief Foundation), որի մարդասիրական գործունեության շնորհիվ Ցեղասպանությունից տուժած միլիոնավոր մարդկանց, այդ թվում՝ նաև 130.000 որբի կյանքը փրկվել է: Ըստ հոդվածագրի՝ կոմիտեն 100.000.000 դոլար է հավաքել մարդասիրական ճգնաժամի թիրախում հայտնված հայերին օգնելու համար: «Անցյալ ամիս ես և իմ մոտ 40 գործընկեր ներկայացրել ենք Հայոց ցեղասպանության վերաբերյալ օրինագիծ, որը կոչ է անում որպես ցեղասպանություն ճանաչել 1915-1923թթ. ընթացքում տեղի ունեցած դեպքերը: Բացի այդ՝ այն կոչ է անում Միացյալ Նահանգների նախագահին ջանքեր գործադրել, որպեսզի Թուրքիայի ու Հայաստանի կառավարությունների միջև այնպիսի հարաբերություններ հաստատվեն, որոնք հիմնված կլինեն Թուրքիայի կողմից Հայոց ցեղասպանության պատմական փաստի լիարժեք ընդունման վրա»,- շարունակել է Շիֆը: Իր անդրադարձում կոնգրեսականը խոսել է նաև ներկայում Սիրիայում բնակվող հարյուր հազարավոր հայերի մասին, ովքեր 100 տարի անց կրկին կանգնած են վերացման վտանգի տակ: Շիֆի կարծիքով՝ ԱՄՆ-ի նախագահի ու Կոնգրեսի կողմից Հայոց ցեղասպանության փաստի ճանաչման դեպքում Միացյալ Նահանգների կառավարությունը ցույց կտա, որ չի պատրաստվում լռել մարդկության դեմ գործած հանցանքների հարցում. «Ծագումով հրեա ֆրանսիացի գրող, լրագրող, հասարակական գործիչ Էլի Վիզելը մի առիթով գրել է, որ ցեղասպանության ժխտումը ցեղասպանության վատագույն մասն է: Համակարծիք լինելով այս գաղափարին` ասում եմ, որ Հայոց ցեղասպանությունը 100 տարի անց դեռևս շարունակում է խոցել իր զոհերին: Ամերիկան պետք է օգնի նրանց, ում վերքը դեռ չի սպիացել»: Մարտի 18-ին ԱՄՆ օրենսդիրները ԱՄՆ Կոնգերսում ներկայացրել «Հայոց ցեղասպանության ճշմարտության և արդարության մասին» բանաձևը, որը ստացել է Ներկայացուցիչների պալատի 40-ից ավելի անդամների աջակցությունը: Բանաձևը կոչ է անում ԱՄՆ նախագահ Բարաք Օբամային նպաստել Հայաստանի և Թուրքիայի միջև հարաբերությունների կարգավորմանը Անկարայի կողմից Հայոց ցեղասպանության փաստի ու հետևանքների լիարժեք ճանաչման հիման վրա: Որպես սենատոր և նախագահի թեկնածու` Բարաք Օբաման ցեղասպանության ճանաչման ջատագովն էր, խոստացել էր, որ նախագահ ընտրվելու դեպքում կճանաչի ցեղասպանությունը և նույնիսկ ասել էր, որ ԱՄՆ-ն «արժանի է այնպիսի առաջնորդի, ով ճշմարտությունը կասի Հայոց ցեղասպանության մասին»: Նախագահ ընտրվելուց հետո նա դրժեց իր խոստումը, որի համար քննադատության ենթարկվեց համայն հայության ու մասնավորապես ԱՄՆ հայ համայնքի կողմից: Իր նախագահության ընթացքում նա ամեն տարի ապրիլի 24-ին հանդես է գալիս ուղերձով և ամեն անգամ դիվանագիտորեն շրջանցում է ցեղասպանություն եզրույթը՝ սահմանափակվելով հայերեն Մեծ եղեռն արտահայտությամբ: Ավելին՝ 2013-ի մայիսին Օբամայի վարչակազմը դիմել էր գերագուն դատարան՝ խնդրելով չքննել 9-րդ շրջանի բողոքարկիչ դատարանի Կալիֆորնիայի օրենքում կատարված փոփոխությունները չեղյալ հայտարարելու մասին 2012-ի որոշումը, որով նախատեսվում էր երկարացնել հայցերի ներկայացման ժամկետը Ցեղասպանության տարիներին կյանքի ապահովագրության փոխհատուցումների վճարումների վերաբերյալ: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |