Bloomberg. Պատերազմի վերսկսումը վտանգի տակ կդնի Հարավային Կովկասի նավթամուղերն ու գազատարները 27 ապրիլի 2015 - 16:50 AMT PanARMENIAN.Net - 1990-ականներից հետո Ռուսաստանի հարավային հարևանները այսօր ավելի մոտ են պատերազմի սպառնալիքին, քան երբևէ: Լեռնային Ղարաբաղի զինված հակամարտությունը սառեցված է արդեն 21 տարի և այդ հարաբերական խաղաղության տարիներին արևմտյան խոշոր նավթարդյունաբերական ընկերությունները, այդ թվում BP-ն միլիարդավոր դոլարներ է ներդրել Ադրբեջանի նավթագազային սեկտորում: Հայ-ադրբեջանական սահմանին և շփման գծում աճող լարվածությունը ռիսկի տակ է դնում նավթագազային ոլորտում ներդրումային ծրագրերը և սպառնում է տարածաշրջանային կայունությանը, հայտնում է Panorama.am-ը Bloomberg-ի վրա հղումով: «Մայիսի 3-ին Լեռնային Ղարաբաղում սպասվող ընտրությունները կարող են էլ ավելի խորացնել լարվածությունը սահմանին և մեծացնել պատերազմի վերսկսվելու հավանականությունը, ինչը վտանգի տակ կդնի Հարավային Կովկասի նավթամուղերն ու գազատարները», - ընդգծել է Royal Bank of Scotland-ի վերլուծաբան Աննա Տոկարը: «Մինչ աշխարհի ուշադրությունը կենտրոնացած է Ուկրաինայում տեղի ունեցող բախումների վրա, լարվածությունը ավելի է խորանում Հարավային Կովկասում, որտեղ BP-ն և նրա գործընկերները ներդրել են 50մլրդ դոլար Ադրբեջանի վառելիքաէներգետիկ սեկտորում:| Բաքու-Թբիլիսի-Ջեյհան նավթամուղը գտնվում է հակամարտության գոտուց 100 կմ հեռավարության վրա»,- գրում է պարբերականը: Հոդվածագիրը անդրադարձել է նաև հակամարտության պատմությանը՝ հիշատակելով 1990-ին ՄԱԿ ԱԽ-ի կողմից ընդունած 4 բանաձևերը, երկու երկրների սպառազինության վերաբերյալ տվյալներ, ինչպես նաև մեջբերել հայ և ադրբեջանցի փորձագետների, ռազմական գերատեսչությունների ներկայացուցիչների հայտարարությունները՝ շփման գծում արձանագրված դեպքերի առնչությամբ:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
