«Գազպրոմ». ՀՀ-ի համար գազի գինը կնվազի՝ կազմելով 165 $/մ³28 ապրիլի 2015 - 16:46 AMT PanARMENIAN.Net - Ռուսական «Ռոսսիա 24» հեռուստաալիքի «Էներգետիկա» հաղորդումն անդրադարձել է Հայաստանի գազային ոլորտին և Ռուսաստանից մատակարարումներին: Հաղորդավարը նշել է, որ Հայաստանում գազի սպառումն ավելանում է, վերջին տարիներին Հայաստան գազամատակարարման ծավալն անցել է 2 միլիարդ խորանարդ մետր ցուցանիշը, և այն աստիճանաբար շարունակում է ավելանալ: Հաղորդումն անդրադարձել է օրերս «Գազպրոմ» ընկերության վարչության նախագահ Ալեքսեյ Միլլերի երևանյան այցին: Նշվում է, որ ՀՀ նախագահ Սերժ Սարգսյանի հետ բանակցությունների ընթացքում Երևանի համար ռուսական գազի գնի զեղչի շուրջ համաձայնություն է ձեռք բերվել։ «Հայաստանի Հանրապետության համար գազի գինը, հաշվի առնելով Հայաստանի անդամակցությունը ԵՏՄ-ին, կնվազի, այն այժմ կազմելու է 165 դոլար խորանարդ մետրի համար: Մինչև վերջերս այն 190 դոլար էր: Կարող եմ ասել, որ գնային այս մակարդակը թույլ է տալիս մեզ իրականացնել նաև ներդրումներ գազատրանսպորտային համակարգի վերականգնման և արդիականացման ոլորտում»,- ասել է Միլլերը հաղորդմանը տված հարցազրույցում: ՀՀ նախագահի հետ կայացած հանդիպմանը Ալեքսեյ Միլլերը ներկայացրել է մեր երկրում իր ղեկավարած ընկերության ընթացիկ գործունեությունն ու առաջիկա ծրագրերը, որոնցում, ըստ նրա, կարևոր տեղ է զբաղեցնում նաև սոցիալական բաղադրիչը: Հաղորդումը նաև ռեպորտաժ է պատրաստել այն մասին, թե այսօր ինչ վիճակում է գտնվում Հայաստանում գազի ոլորտը և զարգանալու ինչպիսի հեռանկարներ ունի, գրում է Tert.am-ը։ «Մեր հայ գործընկերների հետ ձեռք ենք բերել պայմանավորվածություն, որ մշակելու ենք գազիֆիկացման գլխավոր սխեմա: Այս տարվա աշնանն այն պատրաստ կլինի: Այս սխեմայում որոշված կլինեն գլխավոր առաջնահերթությունները»,- նշել է Միլլերը՝ հավելելով, որ իրենք նպատակ ունեն Հայաստանում գազիֆիկացման մակարդակը հասցնել 100 տոկոսի: Ռեպորտաժում անդրադարձ է կատարվել նաև Աբովյանի գազի ստորգետնյա պահեստարանին և Հրազդանի ՋԷԿ-ի հինգերորդ էներգաբլոկին՝ պատմելով դրանց կարևորության և նախատեսվող արդիականացման ծրագրերի մասին: Ապրիլի 28-ին ՌԴ կառավարությունը Պետդումա է ներկայացրել մինչև 2016 թվականը Հայաստան բնական գազի, նավթամթերքի և ադամանդների առանց մաքսատուրքի մատակարարումը երկարաձգելու վերաբերյալ օրենքի նախագիծը: Օրենքի նախագիծը մեկ տարով՝ մինչև 2015 թվականի դեկտեմբերի 31-ը, երկարաձգում է ներքին սպառման ծավալներով նավթամթերքի և բնական գազի, ինչպես նաև չմշակված ադամանդների առանց մաքսատուրքի ներկրումը Ռուսասատնից Հայաստան: Ռուսաստանի դաշնային մաքսային ծառայության համաձայն՝ 2014 թվականին ՌԴ-ից Հայաստան է արտահանվել 1,8 միլիարդ խորանարդ մետր բնական գազ, 222 հազար տոննա նավթամթերք: 2014 թվականի առաջին-երկրորդ եռամսյակների ընթացքում չմշակված բնական ադամանդների մատակարարում չի իրականացվել: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |