Թաներ Աչքամ. ԱՄՆ իշխանություններն ընդունում են Ցեղասպանության փաստը 4 մայիսի 2015 - 14:10 AMT PanARMENIAN.Net - Թուրք հայտնի պատմաբան Թաներ Աչքամն իր հերթական հոդվածում անդրադարձել է Հայոց ցեղասպանության ճանաչման հարցում ԱՄՆ-ի վարչակազմի դիրքորոշմանը և ՄԱԿ-ում ԱՄՆ դեսպան Սամանթա Փաուերի՝ Ցեղասպանությանը նվիրված միջոցառմանը մասնակցելուն։ Նա երկու նկար է ներկայացրել. առաջինում ՄԱԿ-ում ԱՄՆ-ի դեսպան Սամանթա Փաուերն է՝ Նյու Յորքի Սուրբ Վարդան եկեղեցում՝ Ցեղասպանության զոհերի հիշատակին մատուցված պատարագի ընթացքում։ Իսկ մյուսը դրանից հետո կայացած ընդունելության ժամանակ է: «Նա 2008 թվականից ի վեր Բարաք Օբամայի հետ է՝ նախ Ազգային անվտանգության խորհրդի անդամ էր, ապա 2013 թվականի օգոստոսից ի վեր ՄԱԿ-ում ներկայացնում է ԱՄՆ-ի կառավարությանը։ Այսինքն՝ Օբամայի վարչակազմի ամենաբարձր պաշտոնյաներից է։ Ցեղասպանության մասին նրա գիրքը մրցանակի է արժանացել։ Նա անդրադարձել է նաև Հայոց ցեղասպանությանը և գրքում տեղ է հատկացրել նաև 1921 թվականին Բեռլինում Թալեաթ փաշային սպանած Սողոմոն Թեհլերյանի նկարին։ Ապրիլի 26-ին Սամանթա Փաուերը Սուրբ Վարդան եկեղեցում էր` մոտ երկու ժամ տևած պատարագի ամբողջ ընթացքում։ Դրանից հետո նա մասնակցեց նաև ընդունելությանը»։ Թաներ Աչքամը գրում է, որ նկարները Ցեղասպանության հարյուրամյակի տարում ԱՄՆ-ի կառավարության տեսակետը հասկանալու առումով շատ կարևոր են. «Սամանթա Փաուերը պաշտոնյա է՝ ՄԱԿ-ում ԱՄՆ-ն է ներկայացնում։ Կրոնական արարողության ժամանակ նա տեսախցիկների կենտրոնում էր։ Լրագրողներն ու շատ մարդիկ լուսանկարում էին նրան։ Արարողությանը գուցե անձնական ընտրությամբ է մասնակցել, սակայն անհնար է, որ նա առանց Սպիտակ տան թույլտվության մասնակցեր։ Եթե չցանկանային, չէր մասնակցի։ Դա ցույց է տալիս, թե ամերիկյան իշխանություններն ինչ են մտածում Ցեղասպանության վերաբերյալ։ Ցեղասպանություն լինելն ընդունում են, և ավելին՝ բարձրաստիճան պաշտոնյաների կողմից հիշատակի միջոցառումներին մասնակցելն էլ ողջունում են»։ Աքչամը հավելում է՝ Փաուերի կեցվածքը ցույց է տալիս, որ այնտեղ կատակերգություն է տեղի ունենում։ «Ամենից առավել Թուրքիայի կառավարության կեցվածքից եմ տխրում և ցավում։ Ուղն ու ծուծով ցեղասպանությանը հավատացող մարդկանց մասին ասում են. «Այս տարի էլ հաջողացրինք ցեղասպանություն բառն ասել չտալ» և գլուխ են գովում, ինչն, իրոք, շատ տարօրինակ է։ Իրականությունից փախչելու է նման։ Երբ Փաուերին տեսա եկեղեցու արարողությանը, Թուրքիայի կառավարության անունից ամաչեցի։ Այդքան ստորանալու ի՞նչ կարիք կա»,- հոդվածը մեջբերում է Tert.am-ը։ Թուրք պատմագիր, սոցիոլոգ և հեղինակ Թաներ Աքչամն առաջին թուրք գիտնականներից մեկն է, որ ճանաչում և բացահայտորեն քննարկում է Հայոց Ցեղասպանությունը։ Նա ծնվել է Արդահանում, թուրքական քաղաքականությամբ զբաղվել է վաղ տարիքից։ 1976-ին ձերբակալվել է՝ որպես ուսանողական քաղաքական պարբերականի խմբագիր և դատապարտվել 10 տարվա բանտարկության։ Մի տարի անց փախել է բանտից և ապաստան գտել Գերմանիայում «Միջազգային ներում» կազմակերպության հովանու ներքո։ 1988-ից սկսել է աշխատել Համբուրգի Սոցիալական ուսումնասիրությունների ինստիտուտում։ Այդտեղ էլ սկսել է հետաքրքրվել Հայոց Ցեղասպանության հետ առնչվող հարցերով և այդ թեմայի շուրջ դոկտորական թեզ է պաշտպանել 1996-ին Հանովվերի համալսարանում։ 2002-ից սկսած պրոֆեսորի հրավիրյալ ասիստենտ է Մինեսոտայի (ԱՄՆ) համալսարանում։ Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Մխիթարյանը բարձրաձայնել է Բաքվի բանտում պահվող Արցախի ռազմաքաղաքական ղեկավարության կալանքը երկարացնելու մասին Մխիթարյանը նախկինում ևս անդրադարձել է այդ հարցին ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում |