Դավութօղլուն Բունդեսթագին կոչ է անում «ստվեր չգցել» հայ-թուրքական հարաբերությունների վրա 4 մայիսի 2015 - 17:03 AMT PanARMENIAN.Net - Թուրքիայի վարչապետ Ահմեթ Դավութօղլուն հունիսի 7-ին անցկացվելիք խորհրդարանական ընտրությունների քարոզարշավի շրջանականերում հանդիպել է Գերմանիայում ապրող Թուրքիայի քաղաքացիների հետ: Դորթմունդ քաղաքում տեղի ունեցած հանրահավաքին ունեցած ելույթի ընթացքում Թուրքիայի վարչապետն անդրադարձել է նաև հայկական թեմային` հատկապես անդրադառնալով Գերմանիայում վերջին շրջանում Հայոց ցեղասպանության հարցի վերաբերյալ տեղի ունեցող զարգացումներին: Գերմանիայի խորհրդարանում ապրիլի 24-ին Հայոց ցեղասպանության 100-րդ տարելիցի կապակցությամբ հատուկ նիստ է գումարվել, որի ժամանակ քննարկվում էր Հայոց ցեղասպանությունը ճանաչող բանաձևի ընդունման հարցը: Հարցի շուրջ քվեարկությունը հետաձգվեց մինչև հունիս: Դավութօղլուն խոսքն ուղղել է Գերմանիայի խորհրդարանին. «Նրանք, ովքեր փորձում են Հայոց ցեղասպանության պնդումների միջոցով մեզ պատմության դասեր տալ, մենք ասում ենք, որ մենք Անատոլիայի ժողովուրդների, այդ թվում` հայերի հետ 1.000 տարի միասին ապրել ենք: Մենք լավ գիտենք, թե նրանց հետ ինչպես ենք խոսելու ու պատմությունը քննարկելու: Բոլոր երրորդ կողմերին, անկախ նրանից, թե ովքեր են, կոչ ենք անում ստվեր չգցել: Մենք լավ գիտենք` ում հետ որտեղ և ինչպես ենք խոսելու»: Թուրքական Huriyyet թերթի կայքի հաղորդմամբ` Դավութօղլուն կրկին խոսել է իրենց արխիվները «բացելու» ու ցավերը «կիսելու» մասին: Թուրքիայի կառավարության ղեկավարըն հիշեցրել է նաև անցյալ տարի Ռեջեփ Թայիփ Էրդողանի, իսկ այս տարի իր կողմից 1-ին համաշխարհային պատերազմի ժամանակ տեղի ունեցած ցավալի իրադարձությունների կապակցությամբ օսմանյան հայերի թոռներին հղված ուղերձներն ու կրկին երրորդ երկրներին կոչ արել իրենց դասեր տալու փոխարեն սեփական պատմությունն ուսումնասիրել: «Պարտաստ ենք քննադատություններ լսել, սակայն կտրականապես դեմ ենք վիրավորանքներին ու պատմության նենգափոխումներին»,- եզրափակել է Թուրքիայի վարչապետը, մեջբերում է Ermenihaber-ը: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՆԳՆ խոսնակը՝ Բագրատ սրբազանին․ Նախարարը հանդիպումների է, չի կարող հանդիպել ցուցարարներին «Արարողակարգային միջոցառում է եղել, հրավիրվածների ցանկում չի եղել Վեհափառի անունը»,–ասել է խոսնակը Բուհերում կամավորների են հավաքագրում` մասնակցելու Լոռիում և Տավուշում վնասների հետևանքների վերացմանը Կամավորների աշխատանքները համակարգվում է մարզպետարաններում ձևավորված շտաբերի կողմից Քաղաքացիները Բագրատ սրբազանի առաջնորդությամբ երթով գնում են ՆԳՆ՝ բացատրություններ ստանալու «Սարդարապատի խուլիգանությամբ ցույց տվեցին, թե ինչպիսի իրականության մեջ ենք ապրում»,–ասել է նա Բագրատ սրբազանը` Փաշինյանի մասին․ Խելոք գնալու է, այլևս իր հետ հանդիպում չեմ պահանջում «Հիմա չի զիջում, բայց զիջելու հարց չկա, հեռանալու հարց կա»,–ասել է նա |