ԵԱՀԿ-ում ՀՀ մշտական ներկայացուցչությունը միացել է Հաղթանակի 70-ամյակի վերաբերյալ հայտարարությանը 8 մայիսի 2015 - 16:37 AMT PanARMENIAN.Net - Ռուսական կողմի նախաձեռնությամբ առաջին անգամ ԵԱՀԿ Մշտական խորհրդի օրակարգում որպես հիմնական հարց ընդգրկվել է Երկրորդ համաշխարհային պատերազմի ավարտի 70-ամյակի վերաբերյալ հարցը: Քննարկումների շրջանակում Ղազախստանի դեսպանը հրապարակել է ԱՊՀ մի շարք երկրների մշտական ներկայացուցիչների հայտարարությունը Մեծ հայրենական պատերազմում տարած Հաղթանակի 70-ամյակի վերաբերյալ: Լրացնելով Համատեղ հայտարարությունը` ելույթ են ունեցել Ռուսաստանի, Հայաստանի, Բելառուսի և Տաջիկստանի մշտական ներկայացուցիչները` կարևորելով նախկին ԽՍՀՄ ժողովրդների առանցքային դերակատարությունը նացիզմի ջախջախման և Եվրոպայի ազատագրման, նացիստների և նրանց հանցակիցների հերոսացման անթույլատրելիության, Եվրոպայում նացիստական գաղափարախոսության տարածման փորձերին հակազդելու անհրաժեշտությունը: Հաղթանակի 70-ամյակի թեման հնչել է նաև գործող սերբական նախագահության, ԱՄՆ, Եվրամիության, Գերմանիայի, Շվեյցարիայի, Մոնղոլիայի, Վատիկանի, Իսրայելի պատվիրակությունների ելույթներում: Կարևորվել է Երկրորդ համաշխարհային պատերազմի ու նրա դասերի մասին հիշողության պահպանումը, ջանքերի միավորումը նոր մարտահրավերների դեմ պայքարում: Մշտական խորհրդում նաև բացվել է Մեծ հաղթանակի 70-ամյակին նվիրված լուսանկարչական ցուցահանդես: Ցուցահանդեսն ուղեկցվում էր Կարմիր բանակի ազատագրական առաքելության մասին պատմող փաստագրական ֆիլմերի ցուցադրությամբ: Տեղի ունեցավ նաև «Հաղթանակների ուղեցույցը» գրքի շնորհանդեսը, որը հրատարակվել է ՌԴ ԱԳՆ աջակցությամբ, հայտնում է Lentacom.ru-ն: Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Թուրքմենստանի հայտարարության մեջ մասնավորապես ասվում է. «Յոթ տասնամյակ է մեզ բաժանում Մեծ Հայրենականում տարած պատմական հաղթանակից: Դա մեծ ժամկետ է, սակայն մեր երկրի ժողովրդները հիշում են այդ պատերազմի բոլոր դրվագները. զրկանքներն ու սովը, ռմբակոծություններն ու մահը, մեր կորուստների ահռելի թվերը, առաջին հերթին միլիոնավոր մարդկային զոհերը: Պատերազմի դաժան տարիներին մարտի դաշտում և աշխատանքային ճակատում վառ դրսևորվեց մեր ժողովրդների անխափան բարեկամությունն ու մեծ հայրենասիրությունը, որոնք միասնաբար նվաճեցին ընդհանուր Հաղթանակը: Հաղթանակի մեծ ժառանգությունն այսօր էլ կարևոր հոգևոր արժեք է, բարոյական ուղեցույց հետպատերազմյան սերունդների համար: Մայիսի 9-ի հաղթնակի օրն ընդմիշտ կմնա որպես հանուն մեր ժողովրդների ազատության ու անկախության պաշտպանության դրսևորված անձնուրացության և հերոսության խորհրդանիշ: Մենք ողջունում ենք 2014-ի դեկտեմբերի 5-ին Բազելում ԵԱՀԿ ԱԳՆԽ ընդունած Հիշատակի հռչակագիրը Երկրորդ համաշխարհային պատերազմի ավարտի 70-ամյակի կապակցությամբ: Մենք երբեք չենք բաժանել Հաղթանակը յուրայինի և օտարի և միշտ հիշելու ենք դաշնակիցների` ԱՄՆ, Մեծ Բրիտանիայի, Ֆրանսիայի, հակահիտլերյան կոալիցիայի այլ երկրների աջակցության մասին: Այսօր մենք հարգանքի տուրք ենք մատուցում բոլոր եվրոպացիների արիությանը, որոնք դիմադրեցին նացիզմին: Պատմությունը սովորեցնում է. պետություններն ու ժողովուրդները պարտավոր են անել ամեն ինչ, որպեսզի ուշադրությունից դուրս չմնան այնպիսի դոկտրինները, որոնցից նոր սպառնալիքներ են առաջանում: Պատերազմի դասերը զգուշացնում են մեզ, որ անտարբերությունն ու լռությունն անխուսափելիորեն հանգեցնում են համաշխարհային մասշտաբի սարսափելի ողբերգությունների: Ուստի աշխարհի պետությունները պետք է այնպիսի հարաբերություններ կառուցեն, որոնք ամրագրված են ոչ միայն անցյալի դասերով, այլ նաև միտված են ապագային: 1945 թվականին նվաճած Հաղթանակի ընկալումը որպես համամարդկային արժեք հաստատվեց ՄԱԿ ԳՎ «Երկրորդ համաշխարհային պատերազմի ավարտի 70-ամյակը» 2015-ի փետրվարի 26-ին միաձայն ընդունված հռչակագրով, որտեղ կոչ է արվում մայիսի 8-ն ու 9-ը նշել, որպես հարգանքի տուրք Երկրորդ համաշխարհային պատերազմի զոհերի հիշատակին: Այս բանաձևը հիշեցնում է նաև այս պատերազմի ավարտի և ՄԱԿ ստեղծման անխախտ կապի մասին: Մենք կտրականապես չենք ընդունում և դատապարտում ենք պատմությունը վերախմբագրելու, Երկրորդ համաշխարհային պատերազմի արդյունքները խեղաթյուրելու և վերանայելու փորձերը»: Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները | Հայտարարություն․ ՀՀ–ն ու ԱՄՆ–ն երկկողմ երկխոսության կարգավիճակը կբարձրացնեն Ռազմավարական գործընկերության հանձնաժողովի մակարդակի Աջակցություն կցուցաբերվի ՀՀ տնտեսական և էներգետիկ դիմակայունությանը, անվտանգության ոլորտին Բագրատ սրբազան. Ժամը 15:30-ին բոլորիդ սպասում եմ Բաղրամյան պողոտայում Ավելի վաղ նա ասել էր, որ հունիսի 12–ին շատ կարևոր իրադարձություն է սպասվում՝ առանց մանրամասնելու ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը |