Sony Music-ի ղեկավարը հայտարարել է՝ Apple-ը կներկայացնի իր նոր երաժշտական ծառայությունը

8 հունիսի 2015 - 15:56 AMT

PanARMENIAN.Net - Apple-ի մշակողների WWDC կոնֆերանսի մեկնարկին հաշված ժամեր են մնացել, սակայն արդեն որոշ մանրամասներ են ի հայտ գալիս նորույթների մասին, որոնք կորպորացիաները ներկայացնելու են միջոցառման ժամանակ: Այդպես, Midem խորհրդաժողովում ելույթի ժամանակ Sony Music-ի բաժանմունքի ղեկավար Դագ Մորիսը հայտարարել է, որ Apple-ը կներկայացնի իր նոր երաժշտական հոսքային ծառայությունը:

Մորիսը պատմել է, որ հավանություն է տալիս վճարային սթրիմինգների մոդելին, քանի որ դա ֆինանսապես ավելի շահավետ է: « Spotify-ի պես ընկերություններում 100 վերարտադրումը հավասար է 1 դոլարի, ընկերություններում, որոնք գովազդ են զետեղում, 900 վերարտադրումն է հավասար 1 դոլարի: Կարելի է գուշակել, թե դրանցից որն է մեզ դուր գալիս»,-ասել է նա:

Ըստ Մորիսի, Apple-ի նոր հոսքային ծառայությունը բեկումնային կլինի ինդուստրիայի համար, ինչպես նաև օգտակար կլինի մրցակիցների համար, քանի որ ուշադրություն կհրավիրի սթրիմինգի վրա:

Ավելի վաղ ԶԼՄ-ները հայտնել էին, որ Apple ծառայությունը կարժենա մոտ 9,99 դոլար և անվճար տարբերակ չի ունենա: Ծառայության մեջ իբր լինելու են երաժիշտների անհատական էջեր, որտեղ նրանք կկարողանան տեղադրել նորություններ ու երգեր, ինչպես նաև հայտնի դիջեյների հավաքածուներ: Սթրիմինգը ստեղծվել է Beats Music տեխնոլոգիաների հիման վրա, որն Apple-ը գնել է 2014-ի մայիսին:

Apple Inc. ամերիկյան կորպորացիայի գլխավոր գրասենյակը գտնվում է Կալիֆորնիայի նահանգի Կուպերտինո քաղաքում, Apple-ը նախագծում և մշակում է սպառողական էլեկտրոնիկա, համակարգչային ծրագրային ապահովում։ Էփլի լավագույն հայտնի արտադրանքներ են Mac գիծի համակարգիչները, iPod նվագարկչի, iPhone սմարթֆոնը, iPad պլանշետները:

Apple-ն աշխարհի երկրորդ խոշորագույն տեղեկատվական տեխնոլոգիական ընկերությունն է, և աշխարհի երկրորդ խոշորագույն բջջային հեռախոս արտադրողը Սամսունգից հետո: 2014-ին ապրաքանիշը ճանաչվել է աշխարհի ամենաթանկ բրենդը ($153.3 միլիարդ արժողությամբ):

Հղումներ թեմայով.

Venture Beat: Sony Music CEO confirms launch of Apple’s music streaming service tomorrow