ԱՄՆ Հելսինկյան հանձնաժողովի ղեկավար. Հանդիսությունները Բաքվում չպետք է ոչ ոքի մոլորեցնեն13 հունիսի 2015 - 14:06 AMT PanARMENIAN.Net - Բաքվում առաջին Եվրոպական խաղերի բացման կապակցությամբ ԱՄՆ Հելսինկյան հանձնաժողովի ղեկավար Քրիս Սմիթը ելույթ է ունեցել հայտարարությամբ, գրում է contact.az-ը: Առաջին Եվրոպական խաղերը մեկնարկեցին Ադրբեջանում հունիսի 12-ին կառավարության աննախադեպ հետապնդումների ֆոնին: Իշխանությունները ձերբակալել են կառավարության տասնյակ քննադատների և թույլ չեն տալիս հիմնական եվրոպական կենտրոնների լրագրողներին մուտք գործել երկիր խաղերը լուսաբանելու համար: Նրանք նաև արգելել են Amnesty International կազմակերպությանը մամուլի ասուլիս հրավիրել Բաքվում: Քրիս Սմիթն իր ելույթում մասնավորապես ասել է. «Առաջիկա 17 օրերին Եվրոպայի հայացքը գամված է լինելու Բաքվին: Ցավալի է, որ Եվրոպական օլիմպիական կոմիտեն չի պահանջում ընդունող երկրի կառավարությունից լուրջ վերաբերվել մարդու իրավունքներին: Գունեղ հանդիսությունները Բաքվում չպետք է ոչ ոքի մոլորեցնեն Ադրբեջանում մարդու իրավունքների սարսափելի վատթարացման հարցում: Վերջին 2 տարում կառավարությունը կտրուկ սահմանափակել է ԶԼՄ-ների ազատությունը, փակվեց «Ազատություն» ռադիոկայանի Բաքվի բյուրոն: Դա տեղի ունեցավ մի քանի ամիս տևած ճնշումներից հետո, որի նպատակն էր լռեցնել երկրում վերջին ազատ ԶԼՄ-ներից մեկը: Բանտում հայտնվեց այդ ռադիոյի մեկնաբան Խադիջա Իսմաիլովան շինծու քրեական մեղադրանքներով, ինչպես նաև բազում այլ լրագրողներ, քաղաքացիական հասարակության ակտիվիստներ ու հավատացյալներ, ինչպես նաև քաղաքական դրդապատճառներով բանտարկվածներ: Վերջերս Ադրբեջանում ԵԱՀԿ Նախագծերի համակարգողի գրասենյակի միակողմանի փակումը վկայում է ԵԱՀԿ առջև ստանձնած սեփական պարտավորությունները հիմնովին անտեսելու մասին»: Ավելի վաղ Եվրախորհրդարանում Գերմանիայի ներկայացուցիչ Մարիետ Շաակեն կոչ արեց գործընկերներին ու Եվրոպայի քաղաքական գործիչներին բոյկոտել Եվրոպական խաղերն ու հրաժարվել մասնակցությունից այդ միջոցառմանը: Մինչդեռ հունիսի 8-ին Եվրախորհրդարանի նիստում մի խումբ պատգամավորներ ակցիա անցկացրեցին` կոչ անելով ազատ արձակել Ադրբեջանում կալանավորված իրավապաշտպաններին ու լրագրողներին: Նախաձեռնությունը Եվրախորհրդարանի փոխնախագահ, «կանաչների» խմբակցության ներկայացուցիչ Ուլրիկե Լունաչեկինն էր: Նիստի բացմանը պատգամավորները շապիկներ էին հագել Լեյլա Յունուսի, Խադիջա Իսմայլովայի, Անար Մամեդլիի և մյուսների լուսանկարներով: Լունաչեկն իր ելույթում հայտարարեց, որ Եվրոպան չի կարող անտեսել քաղբանտարկյալների հարցը և կոչ է արել ԵԽ-ին հատուկ բանաձև ընդունել: Նիստին ընդառաջ հայտնի իրավապաշտպան կազմակերպությունները` Amnesty İnternational, Freedom House, Humaт Right Watch և Մարդու իրավունքների նորվեգական տունը, համատեղ հայտարարություն տարածեցին` մտահոգություն հայտնելով Ադրբեջանում Եվրախաղերի շեմին քաղաքացիական հասարակության հետապնդումների առնչությամբ: Ավելի վաղ գերմանական Tagesspiegel թերթն իր աղբյուրներին հղումով գրում է, որ Գերմանիայի առաջին դեմքերն ու Կառավարության անդամները չեն մեկնի Բաքու՝ հունիսի 12-ին կայանալիք Եվրոպական առաջին խաղերի բացմանը: «Կանցլեր Անգելա Մերկելը չի մեկնի Բաքու: Բացի այդ, ներքին գործերի նախարար Թոմաս դե Մեզյերը, որը սպորտի կուրատորն է, նույնպես հրաժարվել է Ադրբեջանի մայրաքաղաք այցից: Գերմանիայի նախագահ Յոահիմ Գաուկը ևս հունիսի 12-ին Բեռլինում կմնա»,- գրում է թերթը: Photo. AFP Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |