 Հայկական 2 սթարթափ $20.000 դրամաշնորհ է ստացել 18 հունիսի 2015 - 12:19 AMT PanARMENIAN.Net - Microsoft ինովացիոն կենտրոնը Հայաստանում իրականացնում է 4 ամիս տևողությամբ աքսելերացիոն ծրագրերը՝ ընդգրկելով նորարարական գաղափարներ ունեցող սթարթափեր: 2015-ի աքսլերեացիոն ծրագրի երկու հայկական սթարթափ՝ Flaxton-ը և Penny-ն $20.000 դրամաշնորհ են ստացել Ձեռնարկությունների ինկուբատոր հիմնադրամի (EIF) «Նորարարության զարգացման համաֆինանսավորվող մրցույթ»-ի շրջանակում: Հայաստանի Microsoft ինովացիոն կենտրոնի հիմնական գործունեությունն ուղղված է հմտությունների, նորարար մտածողության զարգացմանը և տեղական ու միջազգային շուկաներում պահանջարկ ունեցող արտադրանքի/ծառայության մշակմանը։ Նախորդ աքսելերացիայի ծրագրի մասնակից սթարթափ Flaxton-ը, որը ամպային համակարգ է (cloud SaaS), 2015-ի հունիսի 22-23-ին Սան Ֆրանցիսկոյում կայանալիք DockerCon միջոցառման համար ընտրվել է որպես հեքըթոնի գաղափարներից մեկը։ Թիմի անդամ Տիգրան Բայբուրցյանը մեկն է ամբողջ աշխարհից ընտրված 8 խոսնակից, որը ներկայանալու է իր նորարարական գաղափարով։ Աքսելերացիայի ծրագրի ամբողջ ընթացքում ընտրված թիմերն աշխատանքներ են տանում իրենց արտադրանքի զարգացման ուղղությամբ` շրջապատված լինելով փորձառու մասնագետներով, խորհրդատուներով ու գաղափարակիցներով, մուտք ունենալով գլոբալ տեխնիկական և բիզնես ռեսուրսներին ու փորձին, հայտնում են Microsoft ինովացիոն Հայաստան կենտրոնից։ Սթարթափերը խորհրդատվություն են ստանում այնպիսի առաջատար մասնագետներից, ինչպիսիք են Sphero-ի գործադիր տնօրեն Փոլ Բերբերյանը, Contexti-ի գործադիր տնօրեն Սիդնի Մինասյանը և ուրիշներ։ 2015-ի հունվարին մեկնարկած աքսելերացիայի ծրագրում ընդգրկված թիմերին իրենց մասնագիտական խորհուրդներով օգնել են Սան Ֆրանցիսկոյից, Սիդնեյից, Նյու Յորքից և Բոսթոնից ՏՏ ոլորտի փորձառու մասնագետներ` Էլի Դեյվիդը, Ռազմիկ Աբնուսը, Պերճ Այվազյանը, Նարեկ Սողմոնյանը, Միշել Դավուդյանը։ Հայաստանի Microsoft ինովացիոն կենտրոնը սկսել է իր գործունեությունը 2011 թվականի մայիսի 11-ին, որից անմիջապես հետո կենտրոնը միացել է ինովացիոն կենտրոնների համաշխարհային ցանցին և սկսել ակտիվ գործունեություն ծավալել Microsoft կողմից ամբողջ աշխարհում նորարար և սետղծագործ մտքի զարգացման նպատակով իրականացվող նախաձեռնությունների շրջանակում:   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
