ԱԺ-ն վավերացրել է Հայաստանում հայ-ռուսական հումանիտար կենտրոնի ստեղծման մասին համաձայնագիրը22 հունիսի 2015 - 15:00 AMT PanARMENIAN.Net - Հայաստանի խորհրդարանը հունիսի 22-ին վավերացրել է Հայաստանում հայ-ռուսական հումանիտար կենտրոնի ստեղծման մասին համաձայնագիրը: Փաստաթուղթն ընդունվել է ձայների 100 «կողմ», 5` «ձեռնպահ» հարաբերակցությամբ: Համաձայնագրով նախատեսվում է լայնածավալ տարածաշրջանային գործակցություն հումանիտար ուղղությամբ, մասնավորապես, փրկարար ուժերի ձևավորման, բաշխման ու կիրառման ոլորտներում: Կենտրոնը կստեղծվի Հայաստանի տարածքում Կոտայքի մարզի Գետարգել ավանում: Ռուսական կողմը կներդնի 40 մլն դոլար ավտոտեխնիկայի, ուղղաթիռների, թռչող սարքերի տեսքով, որոնք բացառապես հումանիտար բնույթ են կրելու, այսինքն օգտագործվելու են փրկարար աշխատանքների դեպքում, հայտնում է Armenia Today-ը: Միջկառավարական կենտրոնի ստեղծման մասին համաձայնագիրը ստորագրվեց մայիսի 19-ին: «Ռուս-հայկական հումանիտար արձագանքման կենտրոնի կազմում կլինեն արձագանքման բոլոր համակարգերը, ներառյալ` ավիացիոն տեխնոլոգիաները: Մենք արդեն սկսում են կենտրոնի կազմավորումը, այնտեղ կլինի այն ամենն, ինչ անհրաժեշտ է մեծ աղետներին արձագանքելու համար` երկրաշարժերի, ջրհեղեղների, տեխնածին վթարների դեպքում»,-ասել է ՌԴ ԱԻՆ ղեկավար Վլադիմիր Պուչկովը: Կենտրոնը թույլ կտա օպերատիվ և արդյունավետ կերպով արձագանքել արտակարգ իրավիճակներին երկու պետությունների սահմանամերձ տարածքներում, ինչպես նաև երրորդ երկրներում: Կենտրոնում կպատրաստվեն և որակավորում կստանան արտակարգ իրավիճակների կանխման և հետևանքների վերացման ոլորտի մասնագետներ, ինչպես նաև հումանիտար ականազերծման մասնագետներ: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Առաջարկ․ ՀՀ–ում ամուսնության տարիքային նվազագույն շեմը սահմանել 18 տարեկանը՝ առանց բացառությունների Առաջարկը ներկայացրել է Ռուստամ Բաքոյանը ՆԳՆ–ն` պայթյունի մասին․ Արտահոսք է եղել 3 հեղուկ գազի, 1 դիզելի և 1 բենզինի ցիստեռնից Հեղուկ գազի ցիստեռնները եղել են յուրաքանչյուրը 37 տոննա ծավալով ՏԿԵՆ. Գետերի վարարումներից առաջ «ՁորաՀԷԿ»-ի ամբարտակն ամբողջական լցված է եղել, ջուր բաց չի թողնվել «ՁորաՀԷԿ»-ի լիցենզիայի թույլտվությունն ավարտվում է 2025 թվականի հունվարի 1-ին ԵՄ–ն բյուջետային աջակցություն կտրամադրի ՀՀ–ին ՝ կրթահամալիրների կառուցման և ԲՏՃՄ լաբորատորիաների համար Եվրոպական հանձնաժողովի կողմից 2023թ. դեկտեմբերին ՀՀ կառավարությանն է փոխանցվել 5 մլն եվրո, իսկ 2024 թ. մայիսին՝ 1.5 մլն եվրո |