Փոխնախարար. Հայաստանը թվային հեռարձակման կանցնի 2016-ի հունվարից22 հունիսի 2015 - 18:20 AMT PanARMENIAN.Net - Հայաստանում անալոգային հեռարձակումից թվային հեռարձակման անցման ժամանակաշրջանը 2015-ի հուլիսի 1-ից կտեղափոխվի 2016-ի հունվարի 16-ը: Այս մասին հայտնել է ՀՀ տրանսպորտի և կապի փոխնախարար Արթուր Առաքելյանը ՀՀ Ազգային ժողովի հունիսի 22-ի արտահերթ նիստում «Հեռուստատեսության և ռադիոյի մասին» ՀՀ օրենքում փոփոխություններ կատարելու մասին» ՀՀ օրենքի նախագծի քննարկման ժամանակ: «Հիմնական պատճառը սոցիալական բաղադրիչն է՝ պետության կողմից անապահով խավին թվային ազդանշանի ընդունիչների տրամադրումը: Այդ սարքերի ձեռքբերման համար մեր կողմից հայտարարված մրցույթը տեղի չէր ունեցել, դրա համար երկարացնում ենք ժամկետը», - փոխնախարարի խոսքերը մեջբերում է Panorama.am-ը: 2015-ի ապրիլին ՀՀ Ազգային ժողովի պատգամավոր Էդմոն Մարուքյանը կառավարությանն առաջարկել է «Հեռուստատեսության և ռադիոյի մասին» Հայաստանի Հանրապետության օրենքում փոփոխություններ կատարել և ՀՀ-ում հեռուստատեսության անալոգային հեռարձակումից թվայինի անցման ժամկետը հետաձգել մինչև 2017 թվականը: Առաքելյանը տեղեկացրել է, որ թվային ազդանշանի համակարգի կառուցման բոլոր աշխատանքներն ավարտվել են, և թվային ազդանշանը անալոգայինին զուգահեռ 98.8%-ով հասանելի է Հայաստանի գրեթե բոլոր մարզերում: 2014-ի հոկտեմբերի 16-ին տրանսպորտի և կապի նախարարությունից հայտնել էին, որ Հայաստանի ամբողջ տարածքում հեռուստատեսային հեռարձակման անալոգային համակարգից 2015-ի հուլիսի 10-ից անցում կկատարվի թվային համակարգի: Թվայնացման գործընթացը կիրականացնի հայտարարված մրցույթում հաղթող ճանաչված շվեդական «Էրիքսոն» կազմակերպությունը։ Թվայնացման տեխնիկական առաջադրանքը 12 մլն դոլար էր գնահատվել, որից անհրաժեշտ սարքերի ու սարքավորումների ձեռքբերման համար նախատեսված է ավելի քան 8 մլն դոլար: Ավարտվել է Երևանի գլխամասային կայանի և մարզային 5 կայանների տեխնիկական տարածքների վերանորոգման և համապատասխանեցման աշխատանքները։ Մարզային միկրովերահաղորդիչ կայաններում տեղադրելու համար ձեռք է բերվել 95 նոր աշտարակ և 150 հեռահաղորդակցման խցիկ: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Բերման ենթարկված բոլոր կիրանցեցիներն ազատ են արձակվել Կանայք փակել էին ճանապարհն ու հերթապահում տղամարդկանց փոխարեն Փաշինյան․ Սահմանազատված հատվածներում ՊՆ-ն ծառայություն չի իրականացնելու, ԱԱԾ-ն է հսկելու «Այո, դիրքը դուրս է գալիս մեր ինքնիշխան տարածքից, որովհետև ՊՆ-ն այդ գծի վրա այլևս ծառայություն չի իրականացնելու», - ասել է նա ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով |