«Շարժվել միասին». Հայ և թուրք երիտասարդները Ցեղասպանությունից 100 տարի անց կանցնեն աքսորի ճանապարհով 29 հունիսի 2015 - 15:33 AMT PanARMENIAN.Net - Հայոց ցեղասպանության սկիզբը համարվող 1915-ի ապրիլի 24-ին Ստամբուլում ձերբակալված և սպանդի ուղարկված հայ մտավորականների անցած ճանապարհը 100 տարի անց կրկնելու են հայ և թուրք երիտասարդները, բայց արդեն՝ այդ ճանապարհին մնացած հայկական հիշողությունները հավաքագրելու նպատակով: Թուրքական Demokrathaber.com լրատվական կայքին հղումով Ermenihaber-ը գրում է, որ Acting Together խորագրով նախագծի շրջանակում նախատեսվող ճամփորդությունը կսկսվի օգոստոսի 31-ին՝ Ստամբուլի Հայդարփաշա երկաթուղային կայարանից, որտեղից հայ մտավորականները 100 տարի առաջ ուղարկվել էին «մահվան երթի», և կավարտվի սեպտեմբերի վերջին՝ Երևանում: Ուղևորության հետագծի մեջ ներառված են նույն «աքսորի» կայարանները՝ Այաշ (Անկարա), Դերսիմ, Վարթո (Մուշ), Աղրը, այնուհետև՝ Վրաստանի սահմանով անցում կկատարվի Հայաստան: Այստեղ նախագծի մասնակիցները կայցելեն Գյումրի, Թալին, Էջմիածին քաղաքները: Ըստ նախագծի կոոդինատոր Այշե Օքթեմի՝ ուղևորությանը կմասնակցեն Հայաստանից, Թուրքիայից և Գերմանիայից եկած հատուկ խմբեր, համալսարանների ուսանողներ և գրողներ՝ Հայաստանից և Թուրքիայից: Հայաստանում նախագծի մասնակիցները կհանդիպեն ցեղասպանությունից փրկվածների սերունդների, ինչպես նաև այսօրվա փախսականների՝ Հայաստանում ապաստանած սիրիացիների հետ: Ուղևորության ընթացքում բոլոր բնակավայրերում կկազմակերպվեն գիտաժողովներ ու քննարկումներ պատերազմների, դրանց հետևանքների, մարդկանց կյանքի փրկության, գաղթերի և նմանատիպ թեմաների շուրջ: Կիրականացվեն նկարահանումներ ու ձայնագրություններ, բանահյուսության ու բանավոր պատմության և հայերին վերաբերող ամեն տեսակ հուշերի հավաքագրում: Այս ամենը ուղևորության ընթացքում կցուցադրվի հետզհետե հարստացող շարժական ցուցահանդեսի շրջանակում, իսկ ուղևորության ավարտից հետո վերջնական տեսքով այցելուներին կներկայացվի սկզբում Երևանում, այնուհետև նաև Ստամբուլում և այլ քաղաքներում: Ուղևորության ավարտին մասնակից գրողների օգնությամբ ձեռք բերված նյութերը կհրատարակվեն նաև գրքի տեսքով: Նախագիծը իրականացվում է գերմանական DVV İnternational-ի, ստամբուլյան «Պատմական հիմնադրամի» և էթնոլոգիական հետազոտությունների «Հազարաշեն» հայկական կենտրոնի համատեղ ջանքերով, ինչպես նաև՝ Գերմանիայի արտգործնախարարության աջակցությամբ:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
