Թուրքիայի հայ պատգամավորը դատի կտա հայերին սպառնացող թուրք ազգայնականին10 հուլիսի 2015 - 13:37 AMT PanARMENIAN.Net - Թուրքիայի «Ժողովուրդների դեմոկրատական» քրդամետ կուսակցությունից ընտրված պատգամավոր, ազգությամբ հայ Կարո Փայլանը վերջերս այլազգիների, այդ թվում՝ հայերի հանդեպ Թուրքիայում հնչած ատելություն պարունակող արտահայտությունների մասին բարձրաձայնել է խորհրդարանում։ Վերջին օրերին Թուրքիայում հայերի, միասեռականների և չինացիների հասցեին (Ույղուրական հարցի ֆոնին լարվել են թուրք-չինական հարաբերությունները) ատելություն պարունակող հայտարարություններ են հնչել։ Խորհրդարանում կայացած մամուլի ասուլիսի ընթացքում Փայլանն անդրադարձել է Կարսի «Գաղափարի օջախներ» անվանումով ազգայնական կառույցի ղեկավար Թոլգա Ադըգյուզելի վերջին հայտարարություններին ու տեղեկացրել, որ վերջինիս դեմ բողոք է ներկայացնելու դատարան, «Ակօս»-ին հղումով գրում է Tert.am-ը: «Գաղափարի օջախներ» անվանումով ուլտրա-ազգայնական, նեո-ֆաշիստական (հայտնի է նաև իբրև «Գորշ գայլեր») թուրքական կազմակերպության առաջնորդը սպառնալիքներ էր հղել Կարսի հայերի հասցեին այն բանից հետո, երբ ջազ - դաշնակահար Տիգրան Համասյանը համերգներ է ունեցել Անիում, Աղթամարում: «Հիմա մենք ի՞նչ պիտի անենք: Պիտի՞ հայերի որս սկսենք Կարսի փողոցներում», - ասել է Ադըգյուզելը: Նա մեղադրել է թուրք լրագրողներին ու գործիչներին, ովքեր աջակցում են հայերի գործունեությանը Թուրքիայում: Ավելին՝ նա հայերին է մեղադրել «1915-ի իրադարձությունների համար», կոչ արել «չփորձել թուրքերի համբերությունը» և խոստացել միջոցներ ձեռնարկել, եթե «նման բաները կրկնվեն»: Պատգամավորն ասել է, որ այդ դեպքերի առնչությամբ դատախազությունը քալեր չի ձեռնարկել՝ նկատելով, թե անպատիժ մնացած ատելության քարոզը դրա թիրախում հայտնված մարդկանց հանդեպ հանցագործությունների իրականացման համար հիմք է նախապատրաստում: Փայլանը նաև տեղեկացրել է, որ առաջիկա օրերին ատելության լեզվի համար ավելի խիստ պատիժներ սահմանող օրինագիծ են ներկայացնելու մեջլիսի ղեկավարությանը, ինչի համար ակնկալելու են նաև մյուս կուսակցությունների աջակցությունը: Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները | Կուբաթյան. Երևանում ուղեվարձի թանկացումն իշխանություններն ուզում են հետաձգել մինչև նոյեմբերի 1-ը Նոր ավտոբուսների մատակարարումն ուշանում է Բերձորում սելավահոսքերը վնասել են տներն ու ճանապարհները․ Հատկապես տուժել են Աղավնո և Սուս գյուղերը Հեղեղը քանդել է նաև վերջերս կառուցված ճանապարհները ՏՀՏ գործատուների միության խորհրդի անդամներն այցելել են Ovio-ի՝ տարածաշրջանում խոշորագույն տվյալների մշակման կենտրոն Ovio-ի Տվյալների մշակման կենտրոնը առանձնանում է իր բացառիկ տեխնիկական հատկանիշներով ՆԳՆ․ Բողոքի ակցիայի 42 մասնակից է բերման ենթարկվել Նրանք բերման են ենթարկվել վարչական իրավախախտման հոդվածով |