 Պուտին. ՀՀ-ն, Ադրբեջանը, Նեպալն ու Կամբոջան ՇՀԿ–ին միանում են որպես գործընկեր 10 հուլիսի 2015 - 16:30 AMT PanARMENIAN.Net - ՌԴ նախագահ Վլադիմիր Պուտինը հայտնել է, որ Ադրբեջանը, Կամբոջան, Հայաստանն ու Նեպալը միանում են Շանհայի համագործակցության կազմակերպությանը որպես երկխոսության գործընկերներ: Պուտինի խոսքով` կան նաև այլ երկրներ, որոնք ցանկանում են մասնակցել ՇՀԿ աշխատանքին, հաղորդում է ՏԱՍՍ-ը: «Մի շարք երկրներ հետաքրքրված են մեր կազմակերպությանն այս կամ այն ձևով միանալու հարցով։ Հաշվի առնելով համապատասխան պահանջները` ուշադիր կուսումնասիրենք նրանց հայտերը»,- ասել է ՌԴ նախագահը։ Աշխատանքային այցով Ռուսաստանում գտնվող ՀՀ նախագահ Սերժ Սարգսյանը հուլիսի 9-ին Ուֆայում մասնակցել է ԲՐԻԿՍ, ԵԱՏՄ և Շանհայ գործակցության կազմակերպության համատեղ գագաթնաժողովին, որտեղ նաև ելույթ է ունեցել: ՀՀ ղեկավարի խոսքով՝ ԲՐԻԿՍ-ԵԱՏՄ-Շանհայան փոխգործակցության հիմքում ինտեգրացիոն գործընթացների փոխլրացնող և փոխշահավետ զարգացման սկզբունքի ապահովման ընդհանուր հետաքրքրվածությունն է: Նախագահն ընդգծել է, որ այս գաղափարի արդյունավետ իրականացման համար անհրաժեշտ է երկրների ինտեգրացիոն միավորումների ներուժի համադրում և տարբեր ոլորտներում համատեղ խոշոր ծրագրերի իրականացում՝ կազմակերպությունների շրջանակում ստեղծված զարգացման ֆինանսական ինստիտուտների ներգրավմամբ: Սարգսյանը նկատել է, որ արդյունավետ գործակցության գործնական օրինակ Հայաստանի դեպքում կարող է դառնալ Հայաստան-Իրան երկաթուղային ճանապարհի կառուցումը, որը Պարսից ծոցի միջոցով կապահովի ԵԱՏՄ երկրների ելքը դեպի Հնդկական օվկիանոս: ՇՀԿ–ում ներառված է վեց պետություն` Ռուսաստանը, Ղազախստանը, Չինաստանը, Ղրղըզստանը, Տաջիկստանը և Ուզբեկստանը: ՇՀԿ-ն 2001-ին ստեղծվել է ռազմական համագործակցության նպատակով, սակայն ավելի ուշ կազմակերպությունը ստացավ նաև տնտեսական ազդակ։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
