Ղրղզստանը` ԵՏՄ–ի լիիրավ անդամ. Երկրում ուժի մեջ է մտել միասնական մաքսային սակագինը12 օգոստոսի 2015 - 16:26 AMT PanARMENIAN.Net - Ղրղզստանը դարձել է Եվրասիական տնտեսական միության լիիրավ անդամ։ Այս մասին օգոստոսի 12-ին հայտարարել են Ղազախստանի նախագահ Նուրսուլթան Նազարբաևը և Ղրղըզստանի նախագահ Ալմազբեկ Աթամբաևը։ ԵՏՄ–ին Ղրղստանի միանալու մասին պայմանագիրը ստորագրվել է 2014-ի դեկտեմբերին Մոսկվայում Գերագույն եվրասիական տնտեսական խորհրդի նիստում։ Աթամբաևը մայիսի 22–ին ստորագրել է միությանը միանալու միջազգային պայմանագրերի վավերացման մասին օրինագիծը։ Ներկա պահին բոլոր ներքին վավերացման ընթացակարգերն ավարտված են միության բոլոր անդամ երկրներում։ Այս պահից ի վեր չեղյալ է հայտարարվել մաքսային հսկողությունը ղրղզա–ղազախական պետական սահմանի բոլոր 8 անցակետում: Ղրղըզստանի տարածքում ուժի մեջ են մտել միասնական մաքսային սակագինը և ԵՏՄ արտաքին տնտեսական գործունեության միասնական ապրանքային նոմենկլատուրան, ինչպես նաև արտադրանքի միասնական պահանջները, որոնք սահմանել են մաքսային միության տեխնիկական կանոնակարգեր, գրում է ԱՌԿԱ-ն: Ռուսաստանում հանել են ազգային աշխատաշուկայի պաշտպանության մասին բոլոր սահմանափակումները և ղրղզ միգրանտների համար աշխատանքի թույլտվություն ստանալու մասին պահանջները։ Ղրղզստանի քաղաքացիներն ազատված են ՌԴ տարածքում պաշտոնական գրանցում ունենալու անհրաժեշտությունից երկիր մուտք գործելու պահից մեկ ամսվա ընթացքում: Կրթության մասին ղրղզական փաստաթղթերը կճանաչվեն ԵՏՄ բոլոր երկրներում։ Բացի այդ, ՌԴ–ում աշխատող ղրղզների աշխատանքային փորձը հաշվվելու է որպես ընդհանուր աշխատանքային փորձ` սոցիալական ապահովման նպատակով: Նրանք իրավունք են ստանում մտնել մասնագիտական միություններ ՌԴ քաղաքացիներին հավասար, իսկ նրանց ընտանիքների անդամները հնարավորություն կունենան տեղեր ստանալ ՌԴ մանկապարտեզներում, դպրոցներում և բուհերում։ ՀՀ Ազգային ժողովը հունիսի 16-ի արտահերթ նիստում ներկայացրեց Ղրղզստանի Հանրապետության՝ ԵՏՄ-ին միանալու պայմանագրի երեք նախագիծը: Կողմ քվեարկեց 89, դեմ՝ 4 պատգամավոր, ձեռնպահ չկար:Այսպիսով, վավերացվել է ՀՀ նախագահի կողմից ներկայացված երեք պայմանագիրը, մասնավորապես, 2015-ի մայիսի 8-ին Մոսկվայում ստորագրված Ղրղզստանի Հանրապետության՝ «ԵՏՄ մասին» 2014-ի մայիսի 29-ի պայմանագրին միանալու առնչությամբ Ղրղզստանի Հանրապետության կողմից «ԵՏՄ մասին» 2014-ի մայիսի 29-ի պայմանագրի, ԵՏՄ իրավունքի մաս կազմող առաձին միջազգային պայմանագրերի և ԵՏՄ մարմինների ակտերի կիրառման պայմանների և անցումային դրույթների մասին» արձանագրությունը: Հղումներ թեմայով. Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |