 ԶԼՄ-ներ. Իրանն ու ՀՀ-ն ԷՀԳ կառուցման վերաբերյալ 107 մլն եվրոյի պայմանագիր են կնքել 12 օգոստոսի 2015 - 17:48 AMT PanARMENIAN.Net - Իրանն ու Հայաստանն օգոստոսի 12-ին համաձայնագիր են կնքել երկու երկրի էներգահամակարգերը միացնող էլեկտրահաղորդման երրորդ գծի շինարարության մասին: «Իրան-Հայաստան բարձրավոլտ էլեկտրահաղորդման գծի կառուցման վերաբերյալ» համաձայնագիրը ստորագրվել է դեռ 1995-ին: 2012-ի տվյալներով ԷՀԳ-ի կառուցման նախագծի արժեքը գնահատվում էր 100-105 մլն եվրո: Ներկայում Հայաստանի և Իրանի միջև գործում է երկու բարձրավոլտ ԷՀԳ, որոնց միջոցով երկու երկրի միջև էլեկտրաէներգիայի սեզոնային երկկողմ փոխադրումներ են իրականացվում զրոյական սալդոյով։ Ինչպես հայտնել է «Մեհր» գործակալությունը, պայմանագիրը կնքվել է 107 մլն եվրո գումարով: Նախատեսվում է 275 կմ երկարության ԷՀԳ կառուցել 2 տարում: Դա թույլ կտա ավելացնել էլեկտրաէներգիայի փոխադարձ առաքումների ծավալները: Կապալառուն կլինի իրանական SUNIR ընկերությունը, որը կիրականացնի շինարարական աշխատանքները, կմատակարարի և կտեղադրի սարքավորումները, կգործարկի և կշահագործի ԷՀԳ-ն: Նախագծի ֆինանսավորման համար անհրաժեշտ միջոցների մոտ 70 տոկոսը կտրամադրի Իրանի Արտահանման զարգացման բանկը, մյուս մասը SUNIR-ը, ՏԱՍՍ գործակալությանը հղումով գրում է Euronews-ը: Այս նախագծի միջոցով Իրանը մտադիր է միանալ Վրաստանի և Ռուսաստանի էներգահամակարգերին, ընդլայնել էլեկտրաէներգիայի առաքումն Անդրկովկաս: ԻԻՀ դեմ պատժամիջոցների չեղարկումից հետո Իրան-Հայաստան երկկողմ բանակցություններն ակտիվացել են: Մինչև տարեվերջ նախատեսվում է Իրանի նախագահ Հասան Ռոուհանիի այցը Հայաստան: Իրանն ու միջազգային միջնորդների «վեցյակը» համաձայնության հասան Իրանի միջուկային ծրագրի շուրջ բանակցություններում: Եվրամիությունը կչեղարկի Իրանի դեմ գործող տնտեսական և ֆինանսական պատժամիջոցները, միաժամանակ Թեհրանը կստանձնի իր պարտավորությունների կատարումը, որոնք համաձայնեցվել են «վեցյակի» հետ, ՄԱԳԱՏԷ-ի հավանությամբ, ասվում է բանակցությունների արդյունքում ընդունված համաձայնագրի նախագծում: «Եվրամիությունը կկասեցնի բոլոր այն դրույթները, որոնք սահմանափակումներ են ենթադրում Իրանի դեմ, ներառյալ ֆինանսական և տնտեսական պատժամիջոցները, կապված Իրանի միջուկային ծրագրի հետ: Իրանն իր հերթին պարտավորվում է ձեռնամուխ լինել բոլոր պայմանավորվածությունների կատարմանը միջուկային հարցի վերաբերյալ»,-ասվում է փաստաթղթում: Հանվում է նաև ԵՄ օդանավակայաններում Իրանի բեռնատար ինքնաթիռների վայրէջքի արգելքը: Թեհրանն ու «վեցյակը» պայմանավորվել են նաև հանել ԵՄ համար գործող «նավթի, գազի, բենզինի և նավթաքիմիայի» արտահանման բոլոր սահմանափակումները, ինչպես նաև «ածխաջրածինների արդյունահանման համար նախատեսված սարքավորումների» արտահանման մասին:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
