  Sinquefield Cup. Լևոն Արոնյանն առաջինն է և անհասանելի մրցակիցների համար 2 սեպտեմբերի 2015 - 10:21 AMT PanARMENIAN.Net - ԱՄՆ-ի Սենթ Լուիս քաղաքում ավարտին է մոտենում «Sinquefield Cup» շախմատային գերմրցաշարը, որին մասնակցում է նաև Հայաստանի հավաքականի առաջատար Լևոն Արոնյանը: Հայ գրոսմայստերը փայլուն է խաղացել մրցաշարի ողջ ընթացքում՝ չկրելով որևէ պարտություն: Այսօր տեղի է ունենում 9-րդ տուրը, որի շրջանակներում Արոնյանը սև խաղաքարերով մրցել է բուլղարացի Վեսելին Տոպալովի հետ: 31-րդ քայլին գրանցվել է ոչ ոքի արդյունք, հայտնում է Tert.am-ը: Այսպիսով, Արոնյանը վաստակել է 6 միավոր և անհասենլի դարձել մրցակիցների համար: Այս պահին 9-րդ տուրի մնացած պարտիաները շարունակվում են: «Sinquefield Cup»-ը երրորդ անգամ է անցկացվում: Արոնյանը բոլոր դեպքերում էլ մասնակցելէ մրցաշարին: 2013 թվականին հայ գրոսմայստերը զբաղեցրել է 3-րդ տեղը (4 մասնակից), 2014-ում՝ 5-րդ(6): Ընթացիկ մրցաշարի մրցանակային ֆոնդը կազմում է 300 հազար դոլար: Լևոն Արոնյանն, ի թիվս մյուս հայ շախմատիստների` Գաբրիել Սարգսյանի, Հրանտ Մելքումյանի ու Սամվել Տեր–Սահակյանի, կմասնակցի Բաքվում շախմատի աշխարհի գավաթի խաղերին, որոնք մեկնարկում են սեպտեմբերի 10-ին: Աշխարհի գավաթի խաղերը կտևեն մինչև հոկտեմբերի 4-ը: Առաջնությանը կմասնակցեն 128 շախմատիստ` նոկաուտ համակարգով։ Մրցանակային ֆոնդը կազմում է $1.6 մլն։ Վիճակահանության արդյունքում որոշվել են առաջնության մեկնարկային խաղի մասնակիցների հակառակորդները: Լևոն Արոնյանը կմրցի Լյուքսեմբուրգի ներկայացուցիչ Մայքլ Վեդենկելերի հետ: Սամվել Տեր-Սահակյանի մրցակիցը կլինի Նիկիտա Վիտիուգովը (Ռուսաստան): Գաբրիել Սարգսյանը կխաղա լեհ Մաթեուս Բարտելի հետ, Հրանտ Մելքումյանը` ամերիկացի Գատա Կամսկու հետ: Աշխարհի գավաթի հաղթողները Հավակնորդների մրցաշարին մասնակցելու իրավունք կստանան։   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
