14 26.09.15 - Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի 6-րդ նիստը «Ընդդեմ ցեղասպանության հանցագործության» ֆորումը պարբերական կդառնա 26 սեպտեմբերի 2015 - 18:12 AMT PanARMENIAN.Net - Սեպտեմբերի 26-ին Հայոց ցեղասպանության 100-րդ տարելիցի միջոցառումները համակարգող պետական հանձնաժողովի 6-րդ նիստին որոշում է ընդունվել «Ընդդեմ ցեղասպանության հանցագործության» երևանյան գլոբալ ֆորումին պարբերաբար բնույթ հաղորդելու մասին, տեղեկացնում է ArmenianGenocide100.org-ը: Ապրիլի 22-23-ը Հայոց ցեղասպանության 100-րդ տարելիցի միջոցառումների շրջանակում Երևանում անցկացվեց Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի, ՀՀ Ազգային ժողովի ու ՀՀ արտաքին գործերի նախարարության կողմից կազմակերպված «Ընդդեմ ցեղասպանության հանցագործության» գլոբալ հասարակական-քաղաքական ֆորումը, որին մասնակցում էին ավելի քան 600 խորհրդարանական,, քաղաքական գործիչ, դիվանագետ, գիտնական, ականավոր ցեղասպանագետներ մոտ հինգ տասնյակ երկրից: Որոշման տեքստում, մասնավորապես, նշվում է, որ այն ընդունվում է՝ հաշվի առնելով ցեղասպանություն հանցագործության բազմաշերտ բնույթը, կարևորելով դրա դատապարտման, բնորոշման, դատապարտման ու հանցագործության համար պատժի կիրառման գործընթացների բազմակողմանի հիմնավորման անհրաժեշտությունը: Ընդգծվում է նաև, որ որոշումն ընդունվել է՝ ընդառաջելով 2015-ի ապրիլի 22-23-ին Երևանում անցկացված գլոբալ ֆորումի մասնակիցների` Հայաստանի Հանրապետությանն ուղղված կոչին, այն է՝շարունակել ազգային ու միջազգային մակարդակում ցեղասպանության ոճրի դեմ պայքարը խթանելու և պայքարում համախմբվելուն ուղղված ջանքերը: Հանձնաժողովը՝ վերոնշյալը հաշվի առնելով, որոշել է դիմել ՀՀ կառավարությանը՝ ապահովելու գլոբալ ֆորումի շարունակական և պարբերական բնույթը: Ֆորումի արդյունավետ կազմակերպման համար կկազմավորվի խորհուրդ՝ հասարակական հիմունքներով, և տնօրինություն՝ մշտական հիմունքներով, ֆորումի աշխատանքները համակարգելու, ֆորումն այլ միջազգային հարթակներում ներկայացնելու և ֆորումների միջև ընկած ժամանակահատվածում կազմակերպչական աշխատանքներ իրականացնելու նպատակով: Հանձնաժողովը նաև կդիմի «Հայաստան» համահայկական հիմնադրամին ՝ Երևանյան գլոբալ ֆորումին կազմակերպման և անցկացման նպատակով հատուկ մշտապես գործող ծրագիր հիմնելու խնդրանքով: Ընդդեմ ցեղասպանության հանցագործության հասարակական-քաղաքական երկորդ գլոբալ ֆորումը պլանավորվում է անցկացնել 2016-ի ապրիլի 23-ին: ՀՀ նախագահի նստավայրում սեպտեմբերի 26-ին մեկնարկել է Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի 6-րդ նիստը, որը վարում է հանձնաժողովի նախագահ, ՀՀ նախագահ Սերժ Սարգսյանը: Սեպտեմբերի 25-26-ին Երևանում ընթանում է «Հիշում եմ և պահանջում» փորձագիտական համաժողովի` Հայոց ցեղասպանության 100-րդ տարելիցի ծրագրի ընթացքի վերաբերյալ քննարկումը և կայացած միջոցառումների արդյունքների ամփոփումը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |