4 վազքուղով երթուղի` Երևանի կենտրոնում. Մասնակցում էին բոլորը` մեծից փոքր

  4 հոկտեմբերի 2015 - 15:36 AMT

PanARMENIAN.Net - «Էրեբունի-Երևան 2797» տոնակատարության միջոցառումների շրջանակում հոկտեմբերի 7-ին առաջին անգամ անցկացվել է Երևանի կիսամարաթոնը, որինպատակն էր` ստեղծել միջազգային խոշոր ամենամյա վազքի մարաթոն Հայաստանում, խթանել երկար մրցատարածության վազքի զարգացումը և առողջ ապրելակերպը, խթանել դեպի Հայաստան մարզական տուրիզմի հոսքը աշխարհի տարբեր երկրներից, Հայաստանը դարձնել գրավիչ սփյուռքահայ սիրողական վազորդների և այլ մարզիկների համար, ամրապնդել նրանց կապը մեր երկրի հետ:

Կիսամարաթոնի վազքուղին սկսվում էր Ստեփան Շահումյանի անվան հրապարակից և անցնում Երևանի տեսարժան վայրերով։ Մրցույթն անցկացվեց 4 տարբեր՝ 21.1 կմ, 10 կմ, 2.1 կմ և 1 կմ (մանկական) մրցատարածություններով: Վազքուղին հավաստագրված է AIMS (մարաթոնների միջազգային կազմակերպության) կողմից:

21 կմ մրցավազքի համար առաջին երեք տեղը զբաղեցրած կանայք և տղամարդիկ պարգևատրվեցին համապատասխանաբար 1 մլն, 750 հազար և 500 հազար դրամով: 10 կմ մրցավազքում առաջին երեք տեղը զբաղեցրածները համապատասխանաբար ստացան 200 հազար, 150 հազար և 100 հազար դրամ պարգևներ:

Երևանի կիսամարաթոնն ունի նաև բարեգործական բաղադրիչ. վազքին մասնակցեցին «Սատար» ՀԿ-ից հաշմանդամություն ունեցող 30 վազորդ, ովքեր մրցեցին 2 կմ վազքուղում։ Բացի այդ, 3 բարեգործական կազմակերպությունների ներկայացուցիչներ՝ («Հայ մայրեր», One Armenia, Teacher of Armenia) վազեցին են իրենց թիմերով՝ վազքի միջոցով տեղեկացնելով իրենց ծրագրերի մասին: