Մոտ 50 մլն դրամ՝ ՀՀ-ում ՏՏ համաշխարհային համաժողովին15 հոկտեմբերի 2015 - 15:04 AMT PanARMENIAN.Net - ՀՀ կառավարություն հոկտեմբերի 15-ի նիստում հավանություն է տվել ՀՀ էկոնոմիկայի նախարարությանը 49 մլն դրամ հատկացնելու մասին որոշման նախագծին, ինչը նախատեսված է 2019-ին տեղեկատվական տեխնոլոգիաների համաշխարհային համաժողովը Հայաստանում կազմակերպելու համար: Ինչպես նիստում նշել է էկոնոմիկայի փոխնախարար Գարեգին Մելքոնյանը, գումարը, երաշխիքային կանխավճարի տեսքով, պետք է փոխանցի տեղեկատվական տեխնոլոգիաների և ծառայությունների համաշխարհային ալյանսին, գրում է Tert.am-ը: Գումարը կհատկացվի 2015-ի բյուջեով նախատեսված կառավարության պահուստային ֆոնդի հաշվից: Վարչապետ Հովիկ Աբրահամյանը որոշման հաստատումից հետո ողջունել է համաժողովի անցկացումը Հայաստանում և նշել, որ այն շատ հեղինակավոր է։ 2015-ի մարտի 9-ին Հայաստանում Տեղեկատվական տեխնոլոգիաների համաշխարհային համաժողովի (WCIT) անցկացման մասին համաձայնագիր է ստորագրվել: Դեռևս 2014 –ին Ինֆորմացիոն տեխնոլոգիաների ձեռնարկությունների միության կողմից հայտ էր ներկայացվել Երևանում Տեղեկատվական համաժողովի անցկացման համար: WCIT 2019-ը Հայաստանի մայրաքաղաքում անցկացնելու մասին որոշումն ընդունվեց 2014-ի սեպտեմբերին, Մեքսիկայում՝ Տեղեկատվական տեխնոլոգիաների և ծառայությունների համաշխարհային ալյանսի /WITSA/ տնօրենների խորհրդի նիստում: Տեղեկատվական տեխնոլոգիաների համաշխարհային համաժողովը ՏՏ ոլորտի խոշորագույն միջոցառումներից է, որին մասնակցում են ՏՏ ոլորտի 2-3 հազար լիդեր մոտ 100 երկրից: WCIT-ը անցկացվում է 1978-ից սկսած՝ երկու տարին մեկ անգամ: Համաժողովին մասնակցում են ՏՏ ոլորտի պետական հատվածի բարձրաստիճան պաշտոնյաներ, վերազգային կազմակերպությունների, համալսարանների և գիտահետազոտական կենտրոնների ղեկավարներ, հասարակական կառույցների ներկայացուցիչներ: 2000-ից մինչ օրս WCIT-ն անցկացվել է Թայվանում, Ավստրալիայում, Հունաստանում, ԱՄՆ-ում, Մալայզիայում, Նիդերլանդներում, Կանադայում և Մեքսիկայում: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |