 ՌԴ Դաշնության խորհրդի կոմիտեի նախագահ. Հայաստանը «համոզիչ» արդյունք է արձանագրել սահմանադրական հանրաքվեում 7 դեկտեմբերի 2015 - 11:49 AMT PanARMENIAN.Net - Հայաստանը «համոզիչ արդյունք է» արձանագրել սահմանադրական հանրաքվեում` հաստատելով խորհրդարանական կառավարման անցնելու մտադրությունը: Այսպիսի կարծիք է հայտնել ՌԴ Դաշնության խորհրդի միջազգային քաղաքականության կոմիտեի նախագահ Կոնստանտին Կոսաչովը: «Մասնակցության ցածր ցուցանիշ, բայց համոզիչ արդյունք հօգուտ նախագահի նախաձեռնած բարեփոխման»,-գրել է նա Facebook-յան իր էջում, հայտնում է ՌԻԱ Նովոստին: Նա նշել է, որ Ռուսաստանին մոտ երկիրը խաղաղ և ժողովրդավարական պայմաններում է անցում կատարում իր քաղաքական զարգացման նոր փուլ, «գոնե, այսօրվա դրությամբ (ոչ վաղ անցյալի իրադարձությունները Երևանում դեռ չեն ջնջվել հիշողությունից)»: «Արդյոք նոր մոդելն ավելի լավ կաշխատի, թե ոչ, ցույց կտա ժամանակը: Հաջողություն ենք մաղթում բարեկամ ժողովրդին»,-գրել է Կոսաչովը: Դեկտեմբերի 6-ին Հայաստանում անցկացված սահմանադրական փոփոխությունների հանրաքվեին մասնակցել է ընտրողների 50.51%-ը: Սահմանադրական փոփոխությունները ենթադրում են նախագահի ընտրության անուղղակի համակարգ, նախագահի լիազորությունների զգալի կրճատում և խորհրդարանի, կառավարության և վարչապետի դերի մեծացում, ընտրությունների մեծամասնական համակարգի վերացում և ամբողջական անցում խորհրդարանի ձևավորման համամասնական համակարգին: Որպեսզի հանրաքվեի դրված նախագիծը համարվի ընդունված, նրան պիտի կողմ քվեարկի քվեարկության մասնակիցների կեսից ավելին, բայց ոչ պակաս, քան ընտրական ցուցակներում ընդգրկված քաղաքացիների մեկ քառորդը:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
