Պետդեպ. ԱՄՆ-ն սատարում է ղարաբաղյան հակամարտության խաղաղ կարգավորմանը22 դեկտեմբերի 2015 - 11:08 AMT PanARMENIAN.Net - ԱՄՆ-ն «հստակորեն միտված է» ղարաբաղյան հակամարտության խաղաղ կարգավորմանը, հայտարարել է ԱՄՆ Պետդեպարտամենտի պաշտոնական ներկայացուցիչ Ջոն Քիրբին: Քիրբիին խնդրել են մեկնաբանել դեկտեմբերի 19-ին Շվեյցարիայում տեղի ունեցած Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը: Ինչպես նշել է Քիրբին, «այդ գագաթնաժողովը երկու երկրների նախագահներին հնարավորություն տվեց հանդիպել վերջին տարում առաջին անգամ և պարզել դիրքորոշումները»: Ըստ նրա, «նախագահները խոստովանել են իրավիճակի վատթարացումը»: Քիրբին նշել է, որ Վաշինգտոնն աջակցում է «խաղաղ բնակչության շրջանում զոհերի նվազեցմանը»: Ըստ նրա, ամերիկյան պատվիրակությունը «ԵԱՀԿ Մինսկի խմբում ռուս և ֆրանսիացի համանախագահների հետ միասին շարունակում է այդ միջոցների քննարկումը»: Պետդեպի ներկայացուցիչը կարևորել է «ժողովրդական դիվանագիտությունը, հատկապես Լեռնային Ղարաբաղի համայնքներում, որտեղ մարդիկ սերունդներով կողք կողքի են ապրել և այժմ պետք է կրկին վստահեն միմյանց», հայտնում է ՌԻԱ Նովոստին: Դեկտեմբերի 19-ին շվեյցարական Բեռնում տեղի ունեցավ Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը: Նախագահները քննարկել են վերջին շրջանում բռնությունների դեպքերը և հատուկ մտահոգություն են հայտնել զոհերի հետ կապված՝ այդ թվում և քաղաքացիական անձանց շրջանում՝ պայմանավորված ծանր զրահատեխնիկայի կիրառմամբ: Նախագահներն իրենց աջակցությունն են հայտնել համանախագահների կողմից տարվող աշխատանքին այն առաջարկների շուրջ, որոնք ուղղված են շփման գծում և հայ-ադրբեջանական սահմանին բռնության ռիսկերի նվազեցմանը՝ ներառյալ հետաքննությունների մեխանիզմ կիրառելուն: Բեռնում Հայաստանի ու Ադրբեջանի նախագահների հանդիպման ավարտից հետո լրագրողների հետ հանդիպմանը Հայաստանի ԱԳ նախարար Էդվարդ Նալբանդյանը հայտարարել է, որ կողմերի մոտեցումները չեն համընկնում: «Այս հանդիպման ժամանակ կողմերն արտահայտեցին իրենց մոտեցումները խնդրի կարգավորման վերաբերյալ եռանախագահների ներկայացրած տարբեր տարրերի ու սկբունքների շուրջ: Կարող ենք նորից վերահաստատել, որ կողմերի մոտեցումները մոտ չեն, չեն համընկնում: Բայց այստեղ Ադրբեջանի մոտեցումները ոչ միայն մոտ չեն Հայաստանի մոտեցումներին, այլև կարող ենք ասել, որ դրանք չեն համընկնում եռանախագահող երկրների առաջարկներին»,- ասել է Նալբանդյանը, Ավելի վաղ բանակցություններն ամփոփող հայտարարություն էին տարածել Մինսկի խմբի համանախագահները: Տարածած հայտարարությունում, մասնավորապես, նշվում էր, որ նախագահներն իրենց աջակցությունն են հայտնել համանախագահների կողմից տարվող աշխատանքին այն առաջարկների շուրջ, որոնք ուղղված են շփման գծում և հայ-ադրբեջանական սահմանին բռնության ռիսկերի նվազեցմանը՝ ներառյալ հետաքննությունների մեխանիզմ կիրառելուն: Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Լևոն Երանոսյանը մեղավոր է ճանաչվել, բայց համաներվել է Մեղադրանքներից մեկի մասով քրեական դատավարությունը դադարեցնել վաղեմության ժամկետի հիմքով Երևանի մանկապարտեզներում տեսախցիկներ կդրվեն․ Մոտ 135 մլն դրամ կպահանջվի Նախատեսվում է մինչև 1700 տեսահսկման կետ ունենալ Բռնցքամարտիկ Չալոյանն օլիմպիական ուղեգիր է նվաճել Չալոյանը հանդես է գալիս գերծանր քաշային կարգում «Զվարթնոցում» հացադուլ անող ֆրանսահայ լրագրող Նիկոլյանը մեկնել է Փարիզ Նա նշել է, որ Փարիզ հասնելուն պես իրեն դիմավորել են զինված ոստիկաններն ու բերման են ենթարկել |