Gallup International. Պուտինին ՀՀ-ում ավելի դրական են վերաբերվում, քան որևէ այլ երկրում` այդ թվում ՌԴ-ում22 դեկտեմբերի 2015 - 16:16 AMT PanARMENIAN.Net - Ռուսաստանի նախագահ Վլադիմիր Պուտինը համաշխարհային քաղաքական վերնախավի ներկայացուցիչներից ամենաբարձր վարկանիշ ունեցողն է Հայաստանում: Այդ են վկայում Gallup International միջազգային սոցիոլոգիական ընկերության ամենամյա հարցման արդյունքները: Պուտինի մասին դրական կարծիք է հայտնել Հայաստանում հարցման մասնակիցների 79%-ը: Դա ավելին է, քան աշխարհի որևէ այլ երկրում, նույնիսկ Ռուսաստանում, որտեղ նրան դրական է վերաբերվում հարցվածների 72%-ը: Նմանատիպ ցուցանիշներ են արձանագրվել նաև Վիետնամում (76%), Մոնղոլիայում (73%): ՌԴ-ն հայտնվել է 4-րդ հորիզոնականում Սերբիայի և Բանգլադեշի հետ միասին` դրական արձագանքների 72-ական տոկոս: Ընդ որում, Հայաստանը հայտնվել է ԱՄՆ նախագահ Օբամային բացասաբար վերաբերվողների առաջին շարքերում` հարցման մասնակիցների 43%: Այս ցուցանիշով Հայաստանը զիջում է միայն Պակիստանին, Պաղեստինին ու ՌԴ-ին, որտեղ Օբամային չի սիրում համապատասխանաբար հարցվածների 45%, 68% և 83%-ը: Հայաստանում դրական վարկանիշով երկրորդ առաջնորդը Ֆրանսիայի նախագահ Ֆրանսուա Օլանդն է` 51%: Սի Ձինպինի վարկանիշը 19% է, Անգելա Մերկելինը` 15%, Բրազիլիայի նախագահ Դիլմա Ռուսեֆինը` 6%, Հնդկաստանի վարչապետ Նարենդա Մոդիինը` 4%, Իրանի նախագահ Հասան Ռոուհանիինը` 3%: Համաշխարհային մասշտաբով ամենաբարձր վարկանիշն ունի Օբաման` 59%, նրան հաջորդում են Մերկելը` 42%, Քեմերոնը` 37% և Օլանդը` 35%: Վլադիմիր Պուտինը 4-րդ տեղում է 33%-ով: Բացասական վարկանիշի առաջատարը Պուտինն է` 42%, նրան հաջորդում են Իրանի և Սաուդյան Արաբիայի առաջնորդները` 32% և 31%, Չինաստանի նախագահն ունի 30%: Օբամայի, Քեմերոնի, Մերկելի և Օլանդի գործունեությունը չի արժանացել հարցման մասնակիցների 28-29%-ի հավանությանը: Ընդհանուր առմամբ հարցմանը մասնակցել է 63976 մարդ աշխարհի 65 երկրից: Հղումներ թեմայով. Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ |