  ԶԼՄ-ներ. ԻՊ գրոհայինները 80 մարդ են գնդակահարել իրաքյան Մոսուլի մերձակայքում 11 հունվարի 2016 - 10:47 AMT PanARMENIAN.Net - «Իսլամական պետության» գրոհայիններն առնվազն 80 մարդ են գնդակահարել իրաքյան Մոսուլի արվարձանում` ներառյալ իրավակարգի աշխատակիցների, հայտնել է իրաքյան Alsumaria հեռուստաալիքը սեփական աղբյուրի վրա հղումով: «ԻՊ գրոհայինները 80 մարդ են գնդակահարել, ներառյալ ոստիկանության աշխատակիցների, զինվորականների և խմբավորման գաղափարխոսությանը դեմ անձնաց Էլ Գազլանի ճամբարի տարածքում` Նայնավա գավառի կենտրոնական մասում»,-հայտնել է ալիքին տեղի աղբյուրը, որը չի ցանկացել հրապարակել իր անունը: Ըստ աղբյուրի, ահաբեկչները մեղադրել են այդ մարդկանց լրտեսության և Իրաքի իշխանությունների հետ համագործակցելու մեջ, հայտնում է ՌԻԱ Նովոստին: 2014-ի հունիսին ԻՊ գրոհայինները, չհանդիպելով դրմադրության, գրավեցին Իրաքի երկրորդ քաղաք Մոսուլը: Իրաքի վարչապետ Հայդեր ալ Աբադին ավելի վաղ խոստացել էր ազատագրել Մոսուլը գրոհայիններից, երբ ավարտվի Էր Ռամադիի գործողությունը: Այդ ծրագրերի մասին է խոսել նաև իրաքյան բանակի պաշտոնական ներկայացուցիչ Յահյա Ռասուլը: Մի քանի օր առաջ «Իսլամական պետություն» ծայրահեղական խմբավորման ահաբեկիչներն առաջին անգամ կին լրագրողի են մահապատժի ենթարկել: 30-ամյա Ռուկիա Հասանն աշխատում էր որպես անկախ լրագրող՝ լուսաբանելով իսլամիստների հսկողության տակ գտնվող տարածքներում կատարվող իրադարձությունները: «Իսլամական պետություն» խմբավորումը, որը մինչև վերջերս կոչվում էր «Իրաքի և Լևանտի իսլամական պետություն» (ISIS), իրաքյան սունիների ապստամբ խմբերի գլխամասային կազմակերպությունն է, որը ստեղծվել է 2006 թ. հոկտեմբերի 15-ին: Խմբավորումը իշխանության հավակնություններ ունի 18 իրաքյան գավառներից 8-ում, որտեղի բնակչությունը հիմնականում սունիներ են: Կազմակերպության ստեղծմանը մասնակցել է «Ալ Քայիդան» և նրա հետ կապված «Շուրա մոջահեդների խորհուրդը»: 2014-ի ամռան սկզբին «Իսլամական պետության» զինյալները գրավեցին մի շարք բնակավայրեր Սիրիայի արևելքում և սկսեցին առաջանալ դեպի Իրաքի սահմանները: Ծայրահեղականները հաջողության են հասել նաև իրաքյան տարածքներում՝ վերահսկողություն սահմանելով երկրի արևմուտքում մի քանի քաղաքների վրա: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
