Մոսկվան ու Վաշինգտոնը չեն հրապարակի Սիրիայի հրադադարի խախտման դեպքերը 1 մարտի 2016 - 15:51 AMT PanARMENIAN.Net - ԱՄՆ պետքարտուղար Ջոն Քերին հայտարարել է Սիրիայի հարցում ՌԴ ԱԳ նախարար Սերգեյ Լավրովի հետ նոր պայմանավորվածությունների մասին, այդ թվում` հրադադարի խախտման դեպքերը չհրապարակելու և դրանք վերացնելու ուղղությամբ համատեղ աշխատելու մասին: Այդ մասին ԱՄՆ պետքարտուղարը հայտարարել է Գերմանիայի ԱԳ նախարար Ֆրանկ Վալտեր Շտայնմայերի հետ համատեղ մամուլի ասուլիսում, հայտնում է ՌԲԿ-ն` Reuters-ի վրա հղումով: Քերին մասնավորապես ասել է, որ խոսել է Լավրովի հետ և նրանք պայմանավորվել են «հրապարակավ չվիճել» այս կամ այն հակամարտող կողմից հրադադարի ենթադրյալ խախտումների մասին ստացվող հաղորդագրությունների վերաբերյալ: Պետդեպի ղեկավարը նշել է, որ բոլոր ստացվող տեղեկությունները մանրակրկիտ կերպով ուսումնասիրվելու են: «Մենք հետևելու ենք յուրաքանչյուր խախտմանն ու աշխատելու ենք ավելի մանրակրկիտ, գտնելու համար մի մոդել, որը կօգնի մեզ երաշխավորել, որ ռազմական գործողություններն ուղղված են բացառապես «Ջեբհաթ ան Նուսրայի» և «Իսլամական պետության» դեմ»,-ասել է Քերին: Փետրվարի 23-ին Մոսկվան և Վաշինգտոնը համաձայնություն են ձեռք բերել Սիրիայում հակամարտող կողմերի միջև ժամանակավոր հրադադար հաստատելու մասին: Ձեռք բերված համաձայնությունը վերաբերում է միայն կառավարական և չափավոր ընդդիմադիրների միջև ռազմական գործողություններին: Դրանք չեն տարածվում ԻՊ և «Ջեբհաթ ան-Նուսրա» ահաբեկչական կազմակերպությունների դեմ գործողությունների վրա: Հրադադարն ուժի մեջ մտնելու նախօրեին ՌԴ ԱԳՆ-ն ևս մեկ անգամ զգուշացրեց, որ ահաբեկչական խմբավորումների դեմ պայքարը կասեցնելու մասին խոսք լինել չի կարող: «Այն խմբավորումները, որոնք չեն հայտարարի հրադադարը պահապնելու պատրաստակամության մասին, բնականաբար, չեն լինի հրադադարի ազդեցության տակ»,-հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: Նույն դիրքորոշումը հաջորդ օրը հայտնեց նաև ՌԴ նախագահ Պուտինը: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |