«Ռոսսելխոզնադզորի» կասկածները փարատվել են. ՀՀ-ից ներկրվող լոլիկը «թուրքական» չէ 4 մարտի 2016 - 16:45 AMT PanARMENIAN.Net - «Ռոսսելխոզնադզորը» հայտնել է, որ տարվա սկզբից նկատվում է Հայաստանից, ինչպես նաև Եգիպտոսից ՌԴ լոլիկի արտահանման զգալի աճ: Ըստ ծառայության տվյալների, հունվար-փետրվար ամիսներին Հայաստանից ներկրվել է մոտ 1000 տոննա լոլիկ և 2000 տոննա` Եգիպտոսից: ՀՀ-ից և Եգիպտոսից դեպի ՌԴ բանջարեղենի առաքումների աճը կապված է այդ երկրներում լավ բերքի և ռուսական շուկայում իր տեղը գտնելու ցանկության, ոչ թե Թուրքիայից լոլիկ վերաարտահանելու հետ, ասվում է «Ռոսսելխոզնադզորի» հաղորդագրության մեջ, հայտնում է Armenia Today-ը: Ընդ որում 2015-ի նույն ժամանակահատվածում նշված ապրանքատեսակը Եգիպտոսից ներմուծվել է աննշան քանակությամբ, իսկ Հայաստանից չի ներկրվել ընդհանրապես: Մարտի 3-ին գերատեսչությունը հավելեց, որ տարեսկզբից արձանագրվել է նաև Հայաստանից կաղամբի և բանջարեղենի այլ տեսակների ներմուծման աճ` 8 անգամ, իսկ խնձորի ներմուծումն աճել է 4 անգամ: Մարտի 2-ին «Ոոսսելխոզնադզորը» բանակցել է ՀՀ ներկայացուցիչների հետ: «Ռուսական կողմը հայտնել է, որ հաշվի առնելով ապօրինի արտահանման աճող ռիսկերը, կապված Թուրքիայի և ԵՄ երկրների դեմ պատժամիջոցների հետ, «Ռոսսելխոզնադզորը» աշխատանք է տանում ֆիտոսանիտարական հավաստագրերի հաստատման ուղղությամբ, որոնց ուղեկցությամբ է բանջարեղենը ներկրվում ՌԴ»,-ասվում է ծառայության հաղորդագրության մեջ: Գերատեսչությունը հավելել է, որ ՌԴ-ն շահագրգռված է սեղմ ժամկետում մեխանիզմներ մշակել, որոնք կհաստատեն Հայաստանում արտահանման համար տրվող փաստաթղթերի իսկությունը: 2016-ի փետրվարի 23-ի դրությամբ, Հայաստանից ընդհանուր առմամբ արտահանվել է 10 248 տոննա միրգ ու բանջարեղեն` նախորդ տարվա 5093 տոննայի դիմաց:Հայկական թարմ միրգն ու բանջարեղենն արտահանվել է ՌԴ, Վրաստան, Շվեյցարիա, Իրաք: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |