«Սպարտակի» գլխավոր մարզիչ. Մովսիսյանն իր ամբողջ ներուժով չէր խաղում հավաքականի կազմում25 մարտի 2016 - 17:31 AMT PanARMENIAN.Net - Հայաստանի ֆուտբոլի հավաքականի նախկին հարձակվող Յուրա Մովսիսյանն ամբողջ ուժերը չէր ներդնում հավաքականի համար խաղերում: Այսպիսի կարծիք է հայտնել Մոսկվայի «Սպարտակի» գլխավոր մարզիչ Դմիտրի Ալենիչևը «Սպորտ-էքսպրեսին» տված հարցազրույցում, հայտնում է Sputnik-ը: «Ըստ իմ տեղեկությունների, Յուրան իր ամբողջ ներուժը չէր օգտագործում հավաքականի համար խաղերում, իսկ չէ որ հավաքականում խաղալը հսկայական պատասխանատվություն է: Եթե դու գալիս ես ազգային հավաքական և 100 տոկոսով չես դրսևորում քո կարողությունները, ապա, անշուշտ, ղեկավարներն իրավասու են ինչ-որ որոշում կայացնել, այդ թվում` խիստ, ինչպես այս դեպքում: Նշանակում է, պատճառ կար: Այստեղ քննարկելու բան չկա»,-ասել է նա: Ըստ նրա, մարզիչն է որոշում, թե ում կանչի հավաքական, ում` ոչ: Ըստ Ալենիչևի շատ բան կախված է Մովսիսյանից: «Եթե նա ցանկանում է վերադառնալ, ապա պետք է ապացուցի դա խաղադաշտում»,-ասել է նա: «Սպարտակի» մարզիչը խոստովանել է նաև, որ չէր զգում Մովսիսյանի մոտ այն բարձր մոտիվացիան, որ կար «Սպարտակում» նրա կարիերայի սկզբում: Դա էր պատճառը, որ որոշվեց նրան վարձակալության հանձնել «Ռեալ Սոլթ Լեյքին»: Ավելի վաղ հայտնի դարձավ, որ Հայաստանի ֆուտբոլի հավաքականի որոշ առաջատարներ այլևս չեն հրավիրվելու ազգային ընտրանի: Այս մասին հայտարարել է Հայաստանի ֆուտբոլի ֆեդերացիայի նախագահ Ռուբեն Հայրապետյանը: «Յուրա Մովսիսյանին, Ռոբերտ Արզումանյանին ու Գևորգ Կասպարովին հավաքական չհրավիրելն իմ պահանջն է. նրանք այլևս չեն լինելու մեր գլխավոր թիմում: Նշված ֆուտբոլիստների վերջին 2 տարիների ելույթները հավաքականում ձեր աչքի առջև են եղել: Թող մեկն ինձ ասի, որ Մովսիսյանը և Արզումանյանը նվիրված պայքարել ու խաղացել են: Այո, նրանք ունեն ֆուտբոլային բարձր որակներ, բայց դա չի նշանակում, որ հավաքականը նրանց համար զբոսանքի կամ զվարճանքների վայր է, որ գան ու զվարճանան»,-ասել է Հայաստանի ֆուտբոլի ֆեդերացիայի նախագահը: Ընթերցեք նաև. ՀՖՖ նախագահ. Մովսիսյանը, Արզումանյանը և Կասպարովը հավաքական չեն հրավիրվելու Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը |