ՀՀ ռուսական ռազմակայանի օդաչուները պատրաստվում են Մայիսի 9-ի երևանյան ավիաշոուին14 ապրիլի 2016 - 16:08 AMT PanARMENIAN.Net - Հայաստանի «Էրեբունի» ռազմական ավիաբազայի ուղղաթիռների անձնակազմերը պատրաստվում են մասնակցել ավիաշոուին, որը տեղի կունենա Երևանում Մեծ հայրենական պատերազմի 71-ամյակին նվիրված հանդիսավոր միջոցառումների շրջանակում: Այդ մասին հայտնել է ՌԴ Հարավային զինվորական շրջանի մամուլի ծառայությունը: «Ծրագրային թռիչքների ժամանակ Մի-24Պ և Մի-8ՄՏ հարվածային և տրանսպորտային ուղղաթիռների անձնակազմերը թռիչքներ են կատարում ռուսական ավիամիավորման հրահանգիչների առաջադրանքներով: Օդաչուները հմտանում են պարզ թռիչքի, թռիչքի, ուղղահայաց վայրէջքի, վայրէջքի, տարբեր երթուղիներով թռիչքների տարրերի կատարման մեջ»,-ասել են մամուլի ծառայությունում: Նշվել է նաև, որ ավիատեխնիկայի փորձարկումից հետո անձնակազմերը կսկսեն մարզվել զուգաթռիչքների և շքերթային շարքով թռիչքների կատարման ուղղությամբ` մասնակցելու համար Հաղթանակի օրվա հանդիսավոր միջոցառումներին: 2015-ի դեկտեմբերին Ռուսաստանը համալրել է Հայատանում գտնվող ռազմակայանը մարտկան և տրանսպորտային ուղղաթիռների նոր խմբաքանակով: Երևանի «Էրեբունի» օդանավակայանում տեղակայված ռուսաստանյան ավիաբազան նույնպես Ռուսաստանի ԶՈւ Հարավային ռազմական շրջանի մեջ մտնող, Գյումրիում տեղակայված 102-րդ ռազմաբազայի կազմում է: Ռազմական օդանավակայանը համատեղ օգտագործում են ՀՀ ԶՈւ-ի ստորաբաժանումները և ՀՀ-ում տեղակայված 102-րդ ռուսաստանյան ռազմաբազան։ «Էրեբունիում» են կայանում հայկական զինուժի Մի-8 և Մի-24 ուղղաթիռներ, ինչպես նաև ռուսաստանյան ռազմաբազայի ՄիԳ-29 կործանիչները: Այժմ «Էրեբունի» ավիաբազայում տեղակայված է չորրորդ սերնդի Միգ-29 9 կործանիչ: Հունվարին ռուսական ռազմակայանը ժամանակակից ռուսական արտադրության «Տախիոն» անօդաչու սարքեր է ստացել: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Սիմոնյանը և Ստեֆանչուկը քննարկել են անվտանգային վիճակը Հարավային Կովկասում և Ուկրաինայում Զրույցը տեղի է ունեցել ուկրաինական կողմի նախաձեռնությամբ Փաշինյանը մեկնել է Թեհրան Նա կմասնակցի վթարից զոհված Իրանի պաշտոնյաների հարգանքի տուրքի պաշտոնական միջոցառմանը Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը |