Ծանրորդ Սիմոն Մարտիրոսյանը` ԵԱ բրոնզե մեդալակիր

PanARMENIAN.Net - Ծանրամարտի Հայաստանի հավաքականի անդամ, պատանեկան Օլիմպիական խաղերի չեմպիոն Սիմոն Մարտիրոսյանը դարձել է Եվրոպայի առաջնության բրոնզե մեդալակիր:

Նորվեգիայում ընթացող Եվրոպայի առաջնության տղամարդկանց 105 կգ քաշային կարգի A ենթախմբում մրցում էին 10 մարզիկ Ավստրիայից, Գերմանիայից, Ռուսաստանից, Բուլղարիայից, Վրաստանից, Լեհաստանից և Լատվիայից:

Պոկում վարժության առաջին մոտեցման ժամանակ Մարտիրոսյանը բարձրացրել է 182 կգ: Սակայն հաջորդ երկու մոտեցումների ժամանակ Մարտիրսյանը գխավերևում չի պահել 184 կգ և 185 կգ: Պոկում վարժությունում ծանրամարտիկը նվաճել է փոքր արծաթե մեդալ:

Հրում վարժությունում Մարտիրոսյանը նախ բարձրացրել է 215 կգ, այնուհետև՝ 220 կգ, բայց ձախողել է 225 կգ-ը: Հրում վարժությունում նա գրավել է 3-րդ տեղը, իսկ երկամարտի 402 կգ արդյունքով դարձել Եվրոպայի առաջնության բրոնզե մեդալակիր:

Եվրոպայի առաջնության վերջին օրը մեդալների համար կպայքարեն նաև Հռիփսիե Խուշուդյանը, Արփինե Դալալյանը և Գոռ Մինասյանը:

Ծանրորդ Սոնա Պողոսյանը 4-րդն է ԵԱ-ում