  Երթեր Ախալքալաքում, Ախալցխայում, Լիբանանում՝ Ցեղասպանության զոհերի հիշատակին 24 ապրիլի 2016 - 11:37 AMT PanARMENIAN.Net - Ջավախքի «Զորի Զորյան» երիտասարդական միության Ախալքալաքի շրջանային վարչությունն ապրիլի 23-ին կազմակերպել էր Հայոց Ցեղասպանության 101-րդ տարելիցին նվիրված ջահերով երթ, որին մասնակցել են շրջանի հազարավոր երիտասարդներ, Ախալքալաքի կրթամշակութային ԵԿ-ի սաներ ու մանկավարժներ, ՎՀՕՄ-ի անդամներ, շրջանի հոգևոր հայրեր, բազմաթիվ աքալքալաքցիներ: Մասնակիցներն ունեցել են նաև բողոքի բովանդակությամբ ցուցապաստառներ: Երթի մասնակիցների կոչերի ու ելույթների պահանջն էր Վրաստանի պետությանն ու ամբողջ աշխարհին՝ ճանաչել Ցեղասպանությունը, որով կկանխարգելվի հետագա ցեղասպանություններն ամբողջ աշխարհում, տեղեկացնում է Akhaltskha.net-ը: Ապրիլի 23-ին ջահերով երթ է կազմակերպվել նաև Ախալցխայում: Հավաքվածների թիվը անցնել է մի քանի հազարից։ Երթին միացել էին Ախալցխայի շրջանի բոլոր գյուղերի երիտասարդները, ինչպես նաեւ բազմաթիվ վրացի երիտասարդներ։ Երթի մասնակիցները երկու հայկական հանրապետության եռագույն դրոշներն ու վառված մոմերը ձեռքներին բարձրացել են Մարդա թաղամասում գտնվող Հայոց Ցեղասպանության զոհերի հիշատակին կանգնեցված խաչքար-հուշակոթող: Արդեն խաչքար-հուշակոթողի մոտ ջահերով երթի մասնակից երիտասարդները հոգևորականնեի աղոթքից ու խոսքից հետո հանդես են ելույթներով, նաև դատապարտող ելույթներ են հնչել ահաբեկչական Ադրբեջանի հասցեին: Հավաքվածները նաև երգել են հայրենասիրական երգեր՝ փաստելով, որ հայ ժողովրդի ոգին անկոտրուն է և այս դժվար օրերին բոլորը կանգնած են Արցախի կողքին: Ապրիլի 23-ին Հայոց ցեղասպանության հիշատակին նվիրված բազմամարդ երթ է անցել նաև Լիբանանում, գրում է Yerkir.am-ը: Աշխարհի շատ երկրներ և ազդեցիկ միջազգային կազմակերպություններ ճանաչել և դատապարտել են Հայոց ցեղասպանությունը: Պաշտոնապես առաջինը Հայոց ցեղասպանությունն ընդունել և դատապարտել է Ուրուգվայը 1965թ-ին: Հայոց ցեղասպանությունը ճանաչել են նաև Եվրոպայի Խորհուրդը, Եվրախորհրդարանը, ՄԱԿ-ի խտրականության կասեցման և փոքրամասնությունների պաշտպանության կանխարգելման ենթահանձնաժողովը, ՄԱԿ-ի ռազմական հանցագործությունների գծով հանձնաժողովը, Եկեղեցիների համաշխարհային խորհուրդը: Հայերի ոչնչացումը պաշտոնապես ցեղասպանություն են ճանաչել Ֆրանսիան, Ադվստրիան, Իտալիան, Բելգիան, Լյուքսեմբուրգը, Շվեդիան, Նիդերլանդները, Շվեյցարիան, Ռուսաստանը, Լեհաստանը, Լիտվան, Հունաստանը, Սլովակիան, Կիպրոսի Հանրապետությունը, Լիբանանը, Ուրուգվայը, Արգենտինան, Վենեսուելան, Չիլին, Բոլիվիան, Կանադան, Վատիկանը, Ավստրալիան, Բրազիլիան և ԱՄՆ-ի 46 նահանգը:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
