ՀՀ-ն ներկայացնող ըմբիշ Կետոևը՝ վարկանիշային մրցաշարի ոսկե մեդալակիր

PanARMENIAN.Net - Մոնղոլիայում ավարտված Օլիմպիական խաղերի ըմբշամարտի վարկանիշային մրցաշարի եզրափակիչ օրը Հայաստանի ազատ ոճի ըմբշամարտի հավաքականի նորեկ Գեորգի Կետոևը (97 կգ) ոսկե մեդալ է նվաճել:

Օլիմպիական խաղերի բրոնզե մեդալակիրը վստահ հաղթանակներով հասել էր եզրափակիչ (11:0, 11:0 և 7:0), որտեղ 4:3 հաշվով հաղթել է ուզբեկ ըմբիշ Մագոմեդ Իբրագիմովին:

Ուլան Բատորում ավարտված վարկանիշային մրցաշարում Հայաստանի հավաքականները նվաճել են Օլիմպիական խաղերի երեք ուղեգիր (Արսեն Ջուլֆալակյան (75 կգ), Մաքսիմ Մանուկյան (85 կգ) և ազատ ոճային ըմբիշ, 97 կգ քաշային Գեորգի Կետոև):

Վարկանիշային երրորդ մրցաշարը կկայանա Թուրքիայի Ստամբուլ քաղաքում, մայիսի 6-8-ը:

Կարդացեք նաև՝ Ծանրորդները՝ «չեմպիոնության ճանապարհի» մասին. Ինչն է խթանել, ինչը՝ կանգնեցրել